Sosial şəbəkələrdə Azərbaycanda zəlzələnin olacağı bağlı yayılan təxribat xarakterli məlumatların heç bir əsası yoxdur.
BUTA.TV xəbər verir ki, bu barədə AMEA nəzdində Respublika Seysmoloji Xidmət Mərkəzindən bildirilib.
Qeyd olunub ki, Türkiyədə fevralın 6-da baş verən zəlzələdən sonra sosial şəbəkələrdə və bəzi media orqanlarında Azərbaycanda da zəlzələ olacağına dair bəzi ekspertlər tərəfindən açıqlamalar yayılır:
"Təəssüf hissi ilə vurğulamaq istəyirik ki, bu cür reallıqdan uzaq, daha çox əhali arasında təşviş yaratmaq məqsədi ilə yazılan təxribat xarakterli yazılara bəzi hallarda media nümayəndələri də istinad edirlər. Vətəndaşlarımızı belə şaiyələrə inanmamağa və rəsmi qurumlar tərəfindən verilən açıqlamaları diqqətlə izləməyə çağırırıq".
"AMEA nəzdində Respublika Seysmoloji Xidmət Mərkəzinin seysmik stansiyalar şəbəkəsi tərəfindən respublika ərazisindəki seysmik vəziyyət izlənilir və hazırda ölkə ərazisində seysmiklik fon səviyyəsindədir. Yayılan təxribat xarakerli şaiyələrə inanmayın!" - məlumatda bildirilib.
- Qazaxıstan nümayəndələri Azərbaycan HHQ-ni ziyarət etdi – Foto
- Babayandan etiraf: Xocalı soyqırımında iştirak etmişəm
- İnternet Vergi İdarəsinə giriş təhlükədə ola bilər - Çağırış
- Sahibə Qafarova MDB PA-da çıxış etdi
- Büdcədə 2 milyarda yaxın profisit yarandı
- Azərbaycana PUA ilə narkotik keçirtmək istədilər - Foto
- Müdafiə və milli təhlükəsizlik xərcləri kəskin artırıldı
- İrəvanın ümidi Ərdoğanın getməsidir - Solonnikov