Ermənistan Rusiyaya dost olan postsovet ölkələri sırasındadır, lakin İrəvan iki ölkənin münasibətlərinə yenidən baxmağa başlayıb. Bu isə əlaqələri pisləşdirə bilər.
BUTA.TV xəbər verir ki, bu barədə Moskva Əlaqələrin İnkişafı üzrə Milli Tədqiqat İnstitutunun araşdırmasında deyilir.
“Tədqiqat apararkən 14 ölkədən səkkizi dost dövlət kimi tanınıb: Belarus (88,4 bal), Qırğızıstan (60,6 bal), Özbəkistan (59,3 bal), Qazaxıstan (58,4 bal), Ermənistan (58,3 bal), Tacikistan (57,9 bal), Azərbaycan (57 bal) və Türkmənistan (47,1 bal). Dörd ölkə isə açıq düşmən kateqoriyasına düşüb: Latviya (mənfi 45,8 bal), Litva (mənfi 49 bal), Estoniya (mənfi 51,8 bal) və Ukrayna (mənfi 83,6 bal). Daha ikisi, Gürcüstan və Moldova (24,2 və 8,3 bal) “nisbətən dost” dövlətlər hesab olunur”, - məlumatda deyilir.
Qeyd olunur ki, Ermənistan və Qazaxıstan strategiyasını dəyişən dövlət qruplarına düşüb:
“Sözügedən dövlətlər Rusiya ilə münasibətlərin tarixinə yenidən baxmağa başlayıb. Bu proses kommunikasiyaların inkişafını pisləşdirəcək. Moskva düzgün kommunikasiya strategiyasını seçməlidir. Bəzi ölkələrdə Rusiyaya qarşı yaxşı münasibət ətalətlə təkrarlanır. Lakin bu ətalət getdikcə quruyur və yaxşı münasibətləri saxlamaq üçün əlavə səylər tələb olunur. Belarus reytinqdə şəksiz lider olub və olaraq qalır: qeyri-kommersiya təşkilatları səviyyəsində qarşılıqlı əlaqə istisna olmaqla, bütün rabitə növlərində birlik dövləti yüksək ballar alıb. Qırğızıstan, Özbəkistan, Tacikistan, Türkmənistan kimi dost ölkələrlə münasibətlərin dinamikasında yaxşılaşma qeydə alınıb. Rusiyaya qarşı sanksiyalara qoşulmaqdan imtina edən və iqtisadi əməkdaşlıq imkanlarını genişləndirən Gürcüstanla da münasibətlər yaxşılaşır. Bu fürsət pəncərəsindən yararlanmaq vacibdir. Amma Moldovada kommunikasiya pisləşməyə doğru gedir”.
- Ermənilər Sədərəkdə bunu etmək istəyir - Yeni Zəngəzur planı
- Mehdiyev niyə “91-lər”ə qoşulmayıb? - Əli Nağıyev danışdı
- Azərbaycan nümayəndə heyəti İrəvanda - Foto
- Əliyevin Ermənistan qərarı: Qarşıda hələ uzun yol var
- Surət Hüseynov, Əli İnsanov, Əkrəm Əylisli… - Sırada Mehdiyevdir?
- 1992-nin qışını xatırlayın: çörəyimiz yox idi... - Akopyan
- Zəngəzur dəhlizi və BTQ bir-birini tamamlayacaq - Boyraz
- “Nar” “Çoox Şanslı” lotereyasının ilk qaliblərini elan etdi