Beynəlxalq Cinayət Məhkəməsinin (BCM) verdiyi beynəlxalq həbs qərarı Rusiya Prezidenti Vladimir Putin üçün Qərbin bütün sanksiyalarından daha təhlükəli ola bilər.

BUTA.TV xəbər verir ki, bunu rusiyalı politoloq Aleksandr Baunov bildirib.

O qeyd edib ki, həbs qərarı hələlik Putin üçün birbaşa hüquqi nəticələr verməyəcək. Lakin bu, Kremlin qlobal Qərblə əlaqəni kəsdikdən sonra qlobal Şərq və Cənub ölkələri ilə münasibətləri düzəltmək cəhdlərinə əhəmiyyətli dərəcədə təsir göstərə bilər:

"Kremlin ən böyük həmsöhbətləri - Çin, Hindistan, Türkiyə də BCM-ni tanımır. Amma demək olar ki, Rusiyanın özünü ona qarşı mübarizədə flaqman kimi təqdim etməyə çalışdığı bütün Afrika və Latın Amerikası bu məhkəməni tanıyır. Bəzi Afrika ölkələri nəinki BCM-ni tanıyır, əksinə, onunla ədalətin həyata keçirilməsində əməkdaşlıq edirlər".

Qeyd edək ki, martın 17-də Beynəlxalq Cinayət Məhkəməsi Rusiya Prezidenti Vladimir Putinin və Rusiya Prezidenti yanında uşaq hüquqları üzrə səlahiyyətli şəxs Mariya Alekseyevna Lvova-Belovanın həbsinə order verib.

• Köpəklərinə acıqlan, hürməsin yol adamına!
• 1644-cü gün: Rusiyanın itkiləri yeniləndi
• Bu gün yeni restoranının açılışı olacaqdı - Qəzada öldü
• “Hadrut fatehi”nin xanımı da tələbə oldu
• Ukrayna Krasnodarı vurdu: ölü və yaralılar var - Video
• Zədələnmiş pulu harada dəyişmək olar?
• ABŞ onların başına 10 milyon dollar mükafat qoydu - Siyahı
• Arvadının gözünü kor edibmiş... - İndi də qayınatasının qətlinə görə tutuldu - Video