Türkiyə xarici işlər naziri Mövlud Çavuşoğlu rusiyalı həmkarı Sergey Lavrovla danışıqlardan sonra bildirib ki, Ankara Azərbaycanla Ermənistan arasında tezliklə sülh müqaviləsinin bağlanmasını zəruri hesab edir.

BUTA.TV xəbər verir ki, bunu erməni türkoloq Ruben Safrastyan deyib.

"Çavuşoğlu Türkiyənin mövqeyini ifadə etdi - bu, Azərbaycanla Ermənistan arasında ən qısa zamanda, təbii ki, tamamilə Bakının şərtləri ilə razılaşmanın bağlanmasıdır.

Lavrov da öz növbəsində deyib ki, Ermənistan və Türkiyə arasında bizim dəstəyimizlə başlamış münasibətlərin normallaşması prosesini, regionda nəqliyyat əlaqələrinin, kommunikasiyaların və təbii ki, Cənubi Qafqazın münaqişədən sonra yenidən qurulması üçün səyləri alqışlayırıq".

Safrastyan vurğulayıb ki, Rusiya Ermənistanla Türkiyə arasında münasibətləri normallaşdırmaqda maraqlıdır, çünki Cənubi Qafqaz regionunda kommunikasiya xətlərinin bərpasını istəyir:

"Bu, indiki məqamda Rusiya üçün vacibdir. Belə ki, Rusiya Ermənistan-Azərbaycan münasibətlərinin normallaşmasında, regionda sabitliyin yaranmasında maraqlıdır".

O əlavə edib ki, Rusiya Ukraynadakı vəziyyəti nəzərə alsaq, regionda hər an Ermənistanla Azərbaycan arasında silahlı münaqişəyə çevrilə biləcək təlatümlü vəziyyətə qətiyyən ehtiyac duymur:

"Rusiyalı nazir həmçinin bəyan edib ki, Moskva qeyri-regional oyunçuların Cənubi Qafqaza müdaxilə etməyəcəyinə ümid edir.

Qərblə münasibətlərin son həddə çatdığını nəzərə alsaq, Rusiya Qərbin Cənubi Qafqaz regionuna hər hansı təsir göstərməsinə qarşıdır".

• Ermənilər Sədərəkdə bunu etmək istəyir - Yeni Zəngəzur planı
• Mehdiyev niyə “91-lər”ə qoşulmayıb? - Əli Nağıyev danışdı
• Azərbaycan nümayəndə heyəti İrəvanda - Foto
• Əliyevin Ermənistan qərarı: Qarşıda hələ uzun yol var
• Surət Hüseynov, Əli İnsanov, Əkrəm Əylisli… - Sırada Mehdiyevdir?
• 1992-nin qışını xatırlayın: çörəyimiz yox idi... - Akopyan
• Zəngəzur dəhlizi və BTQ bir-birini tamamlayacaq - Boyraz
• “Nar” “Çoox Şanslı” lotereyasının ilk qaliblərini elan etdi