Qarabağda müvəqqəti yerləşdirilmiş rus sülhməramlılarının yeni rəhbəri general Aleksandr Lentsovun bu vəzifəyə təyinatı müvəqqəti ola bilər.
BUTA.TV Globalinfo.az-a istinadən xəbər verir ki, bu barədə “Hraparak” yazıb.
Xankəndidəki bəzi “mənbələr” Lentsovun Qarabağa müvəqqəti gəldiyini, Laçın yolunda vəziyyət “düzələcəyi” təqdirdə Moskvaya qayıdacağını iddia edib.
“Çünki hazırda rus ordusunda belə təcrübəli mütəxəssislər yoxdur. Xüsusən Ukraynada müharibənin getdiyi bir vaxtda ona böyük ehtiyac var”, – məlumatda bildirilib.
Həmçinin iddia edilib ki, Lentsov artıq Laçın yolu məsələsini azərbaycanlı generallarla müzakirə etməyə başlayıb.
Qeyd edək ki, Rusiya Müdafiə Nazirliyi Silahlı Qüvvələrin Quru Qoşunları komandanının müavini, general-polkovnik Aleksandr Lentsovun Qarabağdakı sülhməramlı kontingentinin komandiri təyin edildiyini təsdiqləyib.
- BBC-nin Azərbaycandakı fəaliyyəti qeyri-qanunidir
- Türkiyə nümayəndələri İrəvanda
- Zəngəzurun açılmasını həyəcanla gözləyirəm - Ərdoğan
- Heydər Əliyev Mərkəzi Türkiyə bayrağına büründü
- TRİPP xətti üzrə bağlantıların yaradılması üçün... - Əliyev
- Bilal Ərdoğan Bakıda
- Ukraynadan daha 12 uşaq Azərbaycana gətirildi
- “KQB” şinelindən çıxan müxalifətin casusluq macəraları...