Rusiya Kremlə, yəni dövlətin qəlbinə hücumu Putinə sui-qəsd kimi qiymətləndirdi. Zelenski isə hücumun arxasında Ukraynanın olmadığını açıqladı. Bu proseslərin gələcək inkişafı baxımından çox vacib məqamdır. Hücum əməliyyatının bütün təfərrüatını açmaq üçün isə kamikadze PUA-larının harda istehsal edilməsi və hansı dövlətə, yaxud qrupa verilməsinin aşkara çıxarılması lazımdır.

Bu sözləri BUTA.TV-a dünən Kremlə edilən dron hücumları haqqında danışan Türkiyənin terror və təhlükəsizlik üzrə eksperti Abdullah Ağar deyib.

Ekspert sözügedən hücum əməliyyatının həyata keçirilməsinin səbəb və məqsədləri, hədəfləri ilə bağlı dörd ehtimalın olduğunu bildirib:

“Birincisi, Ukrayna müttəfiqlərin ona qazandırdığı imkan və qabiliyyətlə bu xətti hücumu gerçəkləşdirib, ancaq belə gücə sahib olduğunu inkar edir;

İkincisi, bu, Putin və qərargahında şübhəni, paranoyanı, daxili qorxu və narahatlıqları dərinləşdirmək üçün Ukraynanın və ya müttəfiqlərin imkanlarından istifadə yolu ilə həyata keçirilən assimetrik (qeyri-ənənəvi metodlar -red ) əməliyyatdır;

Üçüncüsü, əməliyyat Rusiya daxilində Putinə və onun strategiyalarına qarşı çıxan və öz gücünü nümayiş etdirən gizli bir hərəkat tərəfindən gerçəkləşdirilə bilər. Belə olacağı halda bunu ölkə daxilində Putinə meydan oxuma kimi də qiymətləndirmək mümkündür;

Dördüncüsü isə Rusiyanın Ukraynada yaxın gələcəkdə planlaşdırdığı hücumları maskalamaq, onlara səbəb yaratmaq üçün özünün sözügedən əməliyyatı həyata keçirmək ehtimalıdır. Hətta hücumdan sonra orada vurulan və ətrafa yayılan PUA hissələri də aldatmaq, çaşdırmaq və manipulyasiya üçün istifadə oluna bilər”.

• 43 yaşlı kişi traktor sürərkən minaya düşdü - 3 qurum birgə məlumat yaydı
• İsveçdə məktəbə silahlı hücum: yaralılar var
• Planetin ən yaşlı qadını 117 yaşını qeyd edir
• ABŞ-la müharibəni indi bitirsək daha yaxşıdır...
• Rusiya bu adada virus laboratoriyası yaradıb
• Rus ordusu bu yaşayış məntəqəsini işğal etdi
• Məktəbli formaları ilə bağlı valideynlərə - Çağırış
• Rusiya səfiri Finlandiya XİN-ə çağırıldı