Tərtər hadisələri zamanı dövlətə xəyanətdə təqsirli bilinərək 11 il müddətinə məhkum edilmiş hərbçi Sədayıl Şükürova bəraət verilib.
BUTA.TV xəbər verir ki, Gəncə Apellyasiya Məhkəməsində keçirilən iclasda birinci instansiya məhkəməsinin hökmü ləğv olunub.
Məhkəmə bu qənaətə gəlib ki, məhkum şəxsə verilmiş ittihamlar əsassızdır.
Qərara əsasən, Sədayıl Şükürova bəraət verilib və o, məhkəmə zalından birbaşa azadlığa buraxılıb.
Məlumatı vəkil Rəsul Cəfərov təsdiq edib.
Qeyd edək ki, Sədayıl Şükürov 2018-ci ildə Gəncə Ağır Cinayətlər Məhkəməsinin hökmü ilə dövlətə xəyanət, tabeliyindəki hərbi qulluqçunu döymə, döyüş növbəsi qaydalarını pozma cinayətlərini törətməkdə təqsirli bilinərək 11 il müddətinə azadlıqdan məhrum edilmişdi. Gəncə Apellyasiya Məhkəməsi qərarı qüvvədə saxlamışdı.
Sonradan Ali Məhkəmə qərarı ləğv edərək işi apellyasiya baxışına qaytarmışdı.
- İlham Əliyevin G20 sammitinə dəvət olunması... - Deputat
- Daha 30 ukraynalı uşaq ölkəmizə gətirildi
- Bu "arıqlama" məhsullarında təhlükəli maddə aşkarlandı
- “Slimlux” və başqa arıqlama məhsullarında təhlükəli maddə - Psixikanı poza bilər+Fotolar
- BTQ bu seçkilərin nəticələrinə görə görüş təşkil etdi
- Trampın Ankarada təhlükəsizliyi üçün bu tədbirlər görüldü - Fotolar
- Başçının müavini idi, I müavin oldu
- Oğuzda buğda yüklü TIR yandı