Qərbi Zəngəzur vilayətinin qubernatoru Robert Qukasyan bu gün mediaya açıqlamasında Azərbaycan Ordusunun “bəzi yerlərdə geri çəkildiyini” iddia edib. O bildirib ki, delimitasiya prosesi başlamasa da, bəzi ərazilərdə Azərbaycan Ordusu “geri addım atıb”.
Hərbi mənbələrdən BUTA.TV-a bildirilib ki, Qukasyanın bu açıqlaması tamamilə cəfəngiyyatdır.
“Ordumuzun geri çəkilməsi üçün heç bir səbəb və zərurət yoxdur və belə bir tapşırıq da verilməyib. Azərbaycan Ordusu ölkəmizin şərti sərhədlərində tutduğu mövqeləri qoruyur və bir santimetr də güzəştə gedilməsi müzakirə mövzusu belə deyil”, - mənbə vurğulayıb.
Qeyd edilib ki, Ermənistanla sərhəddə bəzi mövqelər Dövlət Sərhəd Xidmətinə təhvil verilib:
“Dövlət sərhədini Sərhəd Xidməti qorumalıdır. Ancaq Ermənistanla sülh sazişinin imzalanmadığını nəzərə alaraq, o istiqamətdə strateji mövqelərin hamısı Ordumuzun nəzarətindədir”.
- Hərbi Xidmətə Çağırış üzrə Dövlət Xidmətində yeni təyinat
- Bu şəxslərin maaşlarında artım oldu
- Bu, müharibədən, böhrandan, təhdiddən daha dağıdıcı olur
- İrəvanla gündəlikdə olan əsas prioritet... - Hacıyev
- Azərbaycan aldadıcı hava hücumu həmləsi etdi - CNN
- Heç kim yaşamaq istədiyi həyatı yaşamır
- ABŞ-la danışıqlardan sonra sülh planı yaxşı görünür - Zelenski
- Əli Kərimlidən sonra növbə kimindir?