Qarabağ separatçılarının başçısı Araik Arutyunyan dünən qondarma “təhlükəsizlik şurası”nın iclasında Ağdam-Xankəndi yolu ilə ticarətin aparılması barədə qərar qəbul edildiyini açıqlayıb. 

Buta.tv xəbər verir ki, bu barədə Ermənistanın “Hraparak” nəşrinin məlumatında bildirilib. 

Erməni nəşri yazır ki, A.Arutyunyan bu qərar barədə ətraflı məlumat verməsə də, əlavə edib ki, həmin yoldan ticarət “qismən” olacaq. Onun sözlərinə görə, buradan tikinti materialları, dizel yanacağı, dərmanlar və ərzaq məhsulları Rusiya sülhməramlıları vasitəsilə Xankəndiyə gətiriləcək. 

Arutyunyan Azərbaycandan alınacaq qaz və elektrik enerjisi məsələsinin növbəti mərhələdə müzakirə edilməsinin nəzərdə tutulduğunu da qeyd edib. O, söyləyib ki, Azərbaycan bəzi məsələlərdə onlara güzəştə gedir və bunun müqabilində Ağdam-Əsgəran-Xankəndi-Şuşa yolunun istismara verilməsini tələb edir. 

Separatçı qurum “rəsmiləri” sadalanan məsələləri təşkil etmək üçün yaxın vaxtlarda yenidən görüşməyi qərara alıblar. 

Xatırladaq ki, iyul ayında Brüsseldə Avropa Şurasının sədri Şarl Mişel Azərbaycanın Ağdam-Xankəndi yolu vasitəsilə Qarabağa humanitar dəhliz verməsi təklifini alqışlamışdı. Bu məsələ BMT Təhlükəsizlik Şurasının bir neçə gün öncə keçirilən iclasında da müzakirə edilib. 

• Bu şəxslər yeni mənzillərlə təmin olunacaq
• "İdrak" valideynləri belə aldadıb: Vatsapa göndərilən mesaj
• Azərbaycanda bu 5 idarə ləğv edildi
• Yaşıllıqlar kəsildi: 25 min manatdan çox ziyan dəydi
• Prezidentdən qərar: Məmmədov işdən çıxarıldı, yerinə...
• 16 yaşlı bacısını qətlə yetirən yeniyetməyə hökm oxundu
• AYNA: Bu məbləğ 266 manatdan 50 manata endirildi
• 82 yaşlı kişi sobanın üzərinə düşdü, yanaraq öldü