Estonlara qarşı çox qaçmalı olduq.
BUTA.TV-ın məlumatına görə, bunu Azərbaycan millisinin baş məşqçisi Canni De Byazi Tallində Estoniya yığmasına 2:0 hesabı ilə qalib gəldikləri AVRO-2024-ün seçmə mərhələ oyunundan sonra mətbuat konfransında deyib.
İtaliyalı mütəxəssis komandasının çıxışından razılıq bildirib:
“Yaxşı oyun göstərdik. Matça uğurlu başladıq, erkən qol vurduq. Fiziki cəhətdən güclü rəqiblə qarşılaşdıq. Əvəzləmələrin üçünü sarı vərəqələrə görə etdik”.
O, seçmə mərhələdə daha bir qələbə qazanacaqlarına ümid etdiyini bildirib.
Baş məşqçi Rahil Məmmədov və Mahir Emrelinin əvəzlənərkən etirazına da reaksiya verib:
“Üç gündən sonra çox vacib oyunumuz var. Bəzi futbolçular yorulmuşdular, sarı vərəqələri də var idi. Rahil Məmmədov klubunda az oynayır. Avstriya ilə qarşılaşmanı da düşünməliyik. Rəqib bizi çox qaçmağa vadar edəcək. Bu səbəbdən oyunçularımın hazır olmasını istəyirəm”.
- Revanşist suala Paşinyanın maraqlı cavabı
- Kiyev ABŞ-a sübut etdi: Rusiya məğlubedilməz deyil!
- Azərbaycan və Ermənistan nümayəndələri görüşdü
- Ermənistan Bakıya uçuşların sayını açıqladı
- Qarabağ zəfərinə qarşı çıxan iş adamı oğurlandı
- “Hörümçək toru” əməliyyatı belə idarə olunub - Detallar
- Rusiya və Ukraynanın taktikası: Kim geri çəkiləcək?
- Bakıda Türkiyə və İsrail arasında üçdən çox görüş olub...