“Səbail”in futbolçusu Ağabala Ramazanov bu həftə xəstəxanadan evə buraxılacaq.

BUTA.TV xəbər verir ki, bu barədə Report-a paytaxt klubunun Media və Marketinq şöbəsinin rəhbəri Rəşad Məmmədov məlumat verib.

Klub rəsmisinin sözlərinə görə, Azərbaycan Premyer Liqasının XII turunda “Turan Tovuz”la keçirilən oyunda huşunu itirən kapitanın vəziyyəti artıq yaxşıdır:

“Ağabala Ramazanov özünü çox yaxşı hiss edir. Artıq neçə gündür palataya köçürülüb. Çox güman ki, 2-3 gündən sonra evə buraxılacaq. Həkimlər evdə də onun üçün müalicə kursu tətbiq edəcəklər”.

O bildirib ki, hücumçunun məşqlərə başlayacağı tarix xəstəxananı tərk etdikdən sonra qoyulacaq diaqnozdan asılı olacaq.

Qeyd edək ki, Ağabala Ramazanov “Turan Tovuz”la görüşün 45-ci dəqiqəsində rəqiblə toqquşduqdan sonra yerə yıxılaraq hərəkətsiz qalıb. Tibbi heyətin müdaxiləsindən sonra futbolçu xəstəxanaya çatdırılıb. Qarşılaşma “Səbail”in 2:1 hesablı qələbəsi ilə yekunlaşıb.

• Regionlarda kommunal xidmət üçqat azaldılsa… - Ekspert
• Pezeşkianın türk liderlərə zəngi - İran siyasəti dəyişir?
• “Melissa Group”un vətəndaşın başına uçurduğu ev sökülür
• Rusiya panikada: sərhəddən təcili çıxarılır - Şok
• Azərbaycan XİN Danimarkanı təbrik etdi
• Mişustin Azərbaycanı da bu sistemə qoşulmağa çağırdı
• Paşinyan 3-cü savaşa başladı, ermənilərə çağırış etdi
• Adil Əliyev Araz Musayevin iddialarına cavab verdi