Düşünmürəm ki, Dövlət Departamentinin öz vətənlərini tərk etmiş insanların geri qayıtmalarına imkan verilməli olduğunu bəyan etməsi evlərini tərk etmək məcburiyyətində qalan (halbuki ermənilərin könüllü getdiyinə aid minlərlə fakt var – red.) ermənilər üçün həll və ya təminatdır.

BUTA.TV xəbər verir ki, bunu “Amerikanın səsi” radiosuna müsahibəsində amerikalı konqresmen Cim Kosta deyib.

O bildirib ki, bu məsələ gələcək müzakirələrdə aydın şəkildə təqdim olunmalıdır və onlar istədikləri zaman evlərinə qayıda bilməlidirlər.

Konqresmen geri qayıdan şəxslərin təhlükəsizliyinin sülh sazişində əksini tapmalı olduğunu da iddia edib:

“Buna görə də saziş çox vacibdir. Birləşmiş Ştatlar əmin olmalıdır ki, bu, Azərbaycanın da razılaşdığı gələcək danışıqların əsas məqamlarından biri olacaq”.

Onun sözlərinə görə, bu gün Ermənistanla Azərbaycan arasında gərginlik üçün zəmin var:

“Azərbaycanın danışıqlar masasına qayıtmaq istəməməsi buna sübutdur. İkincisi, bunu onların Türkiyə və Rusiya ilə işləmək istəyi də sübut edir.

Birləşmiş Ştatlar ədalətin və bütün tərəflərin hörmət edəcəyi razılaşmanın olmasını təmin etməlidir”.

• AYNA yeni ekspres avtobusları ilə bağlı açıqlama yaydı
• TuranBank gender bərabərliyinə dair strateji layihəni yekunlaşdırdı
• Sabah bu ərazilərdə qaz olmayacaq
• Rusiyada Hüseyn Həsənov barəsində hökm çıxarıldı
• 11 nəfərlik dəstənin içində dünya çempionu da var - 4 milyon ələ keçirilib
• Peşə kurslarını bitirən 5019 şəxs işlə təmin edildi
• Cəza çəkən şəxs məhkum yoldaşını buna görə öldürüb...
• “11 aylıq tikinti müddətində ekspres avtobuslar ödənişli olacaq”