Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin "Səsiniz olaq" onlayn surdotərcümə xidmətindən fəaliyyətə başladığı dövrdən ötən 1 il ərzində 1000-dək şəxs faydalanıb.

Ötən ilin iyul ayında Azərbaycanda ilk dəfə olaraq fəaliyyətə başlayan bu xidmət eşitmə və nitq məhdudiyyətli şəxslərin müraciətlərinin üçüncü tərəfə (dövlət qurumları, özəl sektor və s.) ötürülməsi işini yerinə yetirir.

Xidmət vasitəsilə işarət dilini bilən operator eşitmə və nitq məhdudiyyətli şəxs ilə müraciət edilən qurum arasında virtual körpü rolunu oynayaraq real vaxt rejimində onlayn surdotərcümə xidmətini həyata keçirir.

Qeyd edək ki, bu inklüziv xidmət Ümumdünya Səhiyyə Təşkilatı (ÜST) tərəfindən Avropa regionu üzrə ən yaxşı təcrübələrdən biri kimi qiymətləndirilib. "Səsiniz olaq" xidməti ÜST-nin Avropa regionunda əlilliyi olan şəxslər üçün əlçatanlığın, müyəssərliyin, inklüziv mühitin və sosial inteqrasiyanın təmin edilməsi sahəsində uğurlu təcrübələri özündə əks etdirən nəşrinə daxil edilib.

Xidmətdən yararlanmaq istəyən vətəndaşlar “mygov” tətbiqi vasitəsilə xidmətə keçid edə və ya 055 213 19 97 əlaqə nömrəsinə Vatsap və ya Teleqram platformaları vasitəsilə müraciət edə bilərlər. Xidmət bazar günü istisna olmaqla, həftənin 6 günü – bazar ertəsindən şənbə gününədək saat 09:00–16:00 aralığında fəaliyyət göstərir.

• Bakıda yük avtomobili yandı
• Məişət zorakılığı ilə bağlı bu qaydalar yeniləndi
• Məhkəmədən Kamran Əsədovla bağlı qərar...
• Agentlik sədri bu xanıma vəzifə verdi
• Kartla köçürməni qohuma etdiyimizi - Bank necə aydınlaşdıracaq?
• “Jiquli”ni belə hazırlayırmışlar... - Fotolar
• Bu məlumatlar vergi orqanına ötürüləcək - Yeni qərar
• Nazirlikdən Bakı Qızlar Universiteti ilə bağlı açıqlama