ABŞ hakimiyyəti rusiyalı iş adamı, Rusiya Federasiya Şurasının üzvü Süleyman Kərimovla əlaqəli olan “Amadea” yaxtasını məhkəmə yolu ilə satmaq istəyir.
BUTA.TV xəbər verir ki, bu barədə “Blumberq” məlumat yayıb.
Məlumata görə, yaxtanın saxlanması ayda 600 min dollara başa gəlir:
“Elan edilmiş məbləğə ekipajın maaşı üçün 360 min dollar, yanacaq üçün 75 min dollar və texniki xidmət, zibilin təmizlənməsi, yemək və digər xərclər üçün 165 min dollar daxildir. Aylıq ödənişlərə əlavə olaraq, ABŞ Ədliyyə Nazirliyi fevral ayında gəminin illik 1,7 milyon dollar sığorta haqqını ödəyəcək. Mart ayında “Amadea” yaxtasının təmiri planlaşdırılır ki, bu da 5,6 milyon dollara başa gəlir. Bu müddət ərzində ayda 600 min dollar ödəniş dayandırılacaq”, - məlumatda deyilir.
Qeyd olunur ki, məhkəmə gəminin əsl sahibini müəyyən etməlidir:
“ABŞ yaxtanın Kərimova məxsus olduğunu iddia edir. Lakin “Rosneft”in keçmiş rəhbəri Eduard Xudaynatov əmin edir ki, o, “Amadea”nın faktiki sahibidir. Onun vəkilləri bildiriblər ki, qanunsuz adlandırdıqları gəmi ona qaytarılarsa, o, təxminən 20 milyon dollara çatan yaxtanın saxlanması xərclərini ABŞ-a ödəyəcək. Vaşinqton Xudaynatovun iddialarını rədd edir, lakin israr edir ki, o, məhkəmə zamanı yaxtanın saxlanması xərclərini ödəməlidir”.
- Bakı ilə bu ölkə arasında viza məsələsi müzakirə olunacaq
- Bakı və Kiyev qaz təchizatını müzakirə etdi
- Rusiya Zəngəzur dəhlizinin bahalığından “narahat” oldu
- Türkiyə ilə Ermənistan arasında yeganə hüquqi sənəd...
- Ukrayna müharibəsi təhlükəsizliyə ciddi zərər verir - Rəfiyev
- TRT-dən tarixi Azərbaycan şəhəri ilə bağlı böyük səhv addım
- İlham Əliyev Ərdoğana zəng etdi
- Nazirlərin adından yayılan xəbərlərlə bağlı rəsmi açıqlama