Fransada dövlət sektorunda çalışanlar sentyabrın 29-da ümummilli tətil elan ediblər.

BUTA.TV xəbər verir ki, bu barədə məlumat yayan Fransa Daxili İşlər Nazirliyi ölkə üzrə 206 min, o cümlədən Parisdə 30 min nəfərin nümayişlərə qatıldığını bildirib.

Dövlət qulluğunun müxtəlif sahələrində də tətilə qoşulma qeydə alınıb. Günorta saatlarına olan məlumatlara əsasən, dövlət idarələrində çalışanların 9,64 faizi, yerli idarələrdə çalışanların 5,68 faizi, xəstəxana sektorunda isə 4,5 faizi tətil edib.

Təhsil sahəsində tətilə qoşulma səviyyəsi 11,47 faiz təşkil edib. Müəllimlər arasında bu göstərici 13,71 faiz olub.

Etirazlar bəzi liseylərin qarşısında blokadalarla da müşayiət olunub. Daxili İşlər Nazirliyinin məlumatına görə, nümayişlər və liseylər ətrafındakı blokadalar zamanı 40 nəfər saxlanılıb. Milli Təhsil Nazirliyi isə 338 təhsil müəssisəsində müxtəlif aksiyalar və ya fəaliyyətə maneələr qeydə alındığını, şagirdlər və əməkdaşlar arasında 10 nəfərin xəsarət aldığını açıqlayıb.

Bordo şəhərindəki Monten liseyinin yaxınlığında keçirilən aksiya zamanı isə prefekturanın məlumatına görə, aerozol balonunun partlaması nəticəsində bir yanğınsöndürən xəsarət alıb.

Üç nəfərin zorladığı 23 yaşlı azərbaycanlı qızla bağlı şok faktlar - VİDEO Üç nəfərin zorladığı 23 yaşlı azərbaycanlı qızla bağlı şok faktlar - VİDEO