Bağlamaların çatdırılması ilə bağlı vətəndaşlara “Azərpoçt”un adından saxta SMS-lər göndərilir.

BUTA.TV “Xəzər Xəbər”ə istinadən xəbər verir ki, kiberdələduzlar vətəndaşlara mesajlar göndərərək çatdırılma ünvanının yanlış olduğunu deyirlər. Onlar məhsulu çatdıra bilmədiklərini bildirir və ünvanın yenilənməsi üçün vətəndaşları saxta keçidlərə yönləndirirlər.

İnformasiya təhlükəsizliyi üzrə ekspert Rəşad Əliyev bildirir ki, belə mesajların göndərilməsində məqsəd vətəndaşların şəxsi məlumatlarının ələ keçirilməsidir.

Ekspert naməlum mənbələrdən daxil olan mesajların tərkibindəki keçidlərə daxil olmamağı, bank kartı və digər fərdi məlumatları qarşı tərəfə ötürməməyi tövsiyə edir.

Qeyd edək ki, Azərpoçt MMC də bununla vətəndaşlara xəbərdarlıq edib. Rəsmi məlumatları yalnız müvafiq qurumun özündən dəqiqləşdirmək tövsiyə olunur.

• Burdayam, hazırlıq gedir... - Gültəkin Hacıbəyli
• Güneydən Bakıya 183 yazarın imzası ilə etiraz - O, təmsilçimiz deyil!
• Azərbaycanlı aparıcı ermənini efirdə susdurdu - Video
• Əliyənnağı Hüseynov Təbrizdən geri çağırıldı
• “Nar” inklüziv cəmiyyətin qurulmasına dəstəyini davam etdirir
• Kamran Əliyev ABŞ-da
• Ohanyanın ölkədən çıxışına qoyulan qadağa ləğv edildi
• Prezidentin geri çağırdığı səfirə yeni vəzifə verildi