Nobel mükafatı laureatı, professor Məhəmməd Yunus Azərbaycan Dövlət İqtisad Universiteti (UNEC) rektorunun müşaviri təyin edilib.
BUTA.TV xəbər verir ki, bu barədə UNEC rektoru Ədalət Muradov məlumat paylaşıb.
O bildirib ki, Məhəmməd Yunus UNEC rektoruna özü müraciət edib:
"Müraciətində professor Məhəmməd Yunus UNEC rektorunun sosial biznes məsələləri üzrə müşaviri kimi UNEC missiyasına töhfə vermək istəyini bildirir. Müraciətini nəzərə alaraq Nobel mükafatı laureatı, professor Məhəmməd Yunusu bu gün UNEC rektorunun müşaviri təyin etdim. UNEC-ə göstərdiyi etimad və dəstəyə görə Məhəmməd Yunusa öz adımdan və UNEC kollektivi adından təşəkkür edirəm".
Qeyd edək ki, 1940-cı il təvəllüdlü Məhəmməd Yunus “Grameen Bankı”nı təsis etdiyinə və mikrokredit və mikromaliyyə konsepsiyalarına öncülük etdiyinə görə Nobel sülh mükafatına layiq görülüb.
Banqladeşli professor ilk dəfə 2016-cı ildə ölkəmizdə olub.
- İrəvandan Əliyev-Paşinyan görüşü barədə yeni açıqlama
- Prezidentdən BƏƏ səfəri ilə bağlı paylaşım - Video
- Əliyev və Paşinyanın 5 saatlıq görüşündən çıxan nəticə
- Əbu-Dabidəki görüşün 5 saat çəkməsi o deməkdir ki... - Politoloq
- Rusiyanın kamikadze dronu səfirliyimizin yaxınlığına düşdü - Foto
- Qafqazda nə baş verir? - Rus mediası isterikaya düşdü
- Əliyevlə Paşinyan bununla bağlı göstəriş verdilər - Ermənistan XİN
- İrəvan Zəngəzur dəhlizi ilə bağlı buna razıdır - Təcili