ABŞ-dakı bəzi siyasi qruplar, o cümlədən israilyönlü qruplar Türkiyə Prezidenti Rəcəb Tayyib Ərdoğanın mayın 9-na planlaşdırılan Vaşinqton səfərini ləğv etmək üçün səy göstərir.

BUTA.TV xəbər verir ki, bu barədə “Hürriyyət” qəzetinin köşə yazarı Əbdülqədir Selvi yazıb.

Selvinin fikrincə, amerikalı lobbiçilər iddia edirlər ki, Ərdoğanın HƏMAS lideri İsmayıl Haniyə ilə son görüşündən sonra Baydenlə danışıqlar aparması ABŞ prezidentinin elektoratının dəstəyinin səviyyəsinə mənfi təsir göstərə bilər.

“HƏMAS lideri ilə danışıqlar ABŞ-dakı İsrail lobbisini də hiddətləndirib. Bu baxımdan onlar həm də Ərdoğanın gəlişinin qarşısını almağa çalışır”, - Selvi bildirib.

Selvi qeyd edib ki, Ərdoğan administrasiyasından səfərə hazırlığın dayandırılması ilə bağlı heç bir göstəriş olmayıb. Buna baxmayaraq, Türkiyənin bəzi müstəqil və müxalif medialarında səfərin ləğv edilməsi ilə bağlı xəbərlər yayılıb:

“Nə Xarici İşlər Nazirliyinə, nə də digər məsul strukturlara belə bir göstəriş verilib. Ərdoğan və Bayden arasında mayın 9-da danışıqların aparılması perspektivi ilə iş davam edir. Yalnız görüşün dəqiq vaxtı hələlik məlum deyil”.

Qeyd edək ki, hələlik Ərdoğan administrasiyası tərəfindən ABŞ-a səfərlə bağlı rəsmi açıqlama verilməyib. Türkiyənin xarici işlər naziri Hakan Fidan Vaşinqtona səfər və Baydenlə danışıqların mayın əvvəlinə planlaşdırıldığını bildirib.

• Azərbaycan ABŞ-la birgə hərbi təlimdə - Video
• Qeyri-formal məşğul olan şəxslər belə müəyyən ediləcək - Nazir
• Ermənistan Qarabağ danışıqlarına dair sənədləri yayımladı
• Tiflis TIR-larımızı buraxmadı: Kobaxidzedən reaksiya
• Rüstəm İbrahimbəyov Mehdiyevlə bağlı nələr demişdi?
• Gəncə "Nizami İnnovasiya Mərkəzi” niyə açılmır? - İRİA icraçını ağır vəziyyətdə qoyub
• Gürcüstan Azərbaycana problem yaradır - Saakaşvili
• Milli Şura ilə bağlı Qərbdə bu fikir var - Ekspertdən şok