Başqa bir dövlətin ərazisini öz dövlətinin ərazisi kimi təqdim etmək beynəlxalq hüquqa uyğun deyil. Amma bunu edən şəxs məsuliyyətə cəlb olunmalıdırmı, bu, başqa bir mövzudur.

Bu sözləri BUTA.TV-a beynəlxalq hüquq üzrə professor Fərhad Mehdiyev Ermənistanda partiya sədrinin Azərbaycan ərazisini Ermənistan xəritəsinin tərkib hissəsi kimi təqdim və təbliğ edərək, təxribatçı fəaliyyətini şərh edərkən deyib.

Onun sözlərinə görə, Ermənistan qanunvericiliyi bu addımı cinayət əməli kimi tanımadığından “Demokratik birlik” adlı partiyanın sədri Suren Petrosyan da cəzasız qalır.

F.Mehdiyev bildirib ki, o, yalnız müharibə çağırışı edəcəyi təqdirdə cinayət məsuliyyətinə cəlb edilə bilər:

“O ki qaldı Azərbaycanın bununla bağlı hansısa addım atmasına, hesab edirəm ki, bizim XİN bundan dolayı narahatlıqlarını bildirə bilər. Partiya sədri müharibəyə çağırış edirsə, Ermənistan hüquq-mühafizə orqanları onu cinayət məsuliyyətinə cəlb etməlidir. Əgər etməsələr, onda danışıqlar masasında Azərbaycan tərəfi buna diqqət çəkə bilər”.

• Moskvada azərbaycanlı məşhur qanuni oğru saxlanıldı - VIDEO
• Azərbaycan “Roma statusu”na qoşularsa... - Putin Bakıda həbs olunacaq?
• Moskva hədəfi Ağalarova çevirdi, proses başladı - Sifarişi kim verib?
• ABŞ-ın Azərbaycandakı yeni müvəqqəti işlər vəkili təyin olundu
• Rusiya Baş Prokurorluğu: Bakı ilə müntəzəm təmasdayıq
• İngilis səfirdən Yekaterinburq hadisələrinə reaksiya
• Prezidentlər Xankəndidə tikiş fabrikində...
• Mirziyayevin budəfəki dövlət səfəri böyük əhəmiyyət kəsb edir