Günəşdən qoruyucu vasitələr yay aylarının vazkeçilməz məhsullarıdır. Ancaq mütəxəssislər bu məhsulların təhlükəli ola biləcəkləri barədə xəbərdarlıq edirlər.

BUTA.TV Medicina.az-a istinadən xəbər verir ki, buna səbəb əksər günəşdən qoruyucu vasitələrin tərkibində titan dioksid adlı maddənin olmasıdır.

Titan dioksid toz halında olan metal birləşmədir. Ondan kosmetik məhsulların rəngini yaxşılaşdırmaq və onları daha parlaq etmək üçün istifadə olunur. Bundan əlavə, günəşdən qoruyucu vasitələrdə faydalı olan UV müqavimətinə malikdir.

Professor Dr. Keyt Uorriner bu maddənin təhlükəsini belə izah edib:

“Narahatlıq ondan ibarətdir ki, titan dioksid qəbul edildikdə - xüsusilə nanohissəciklər şəklində - hüceyrələrimizə daxil ola, hüceyrə zədələnməsinə səbəb olan radikallar istehsal edə və bu da xərçənglə nəticələnə bilər".

Beynəlxalq Xərçəng Araşdırmaları Agentliyi titan dioksidi “Qrup 2B kanserogen” kimi təsnif edir, yəni xərçəngə səbəb ola biləcəyi rəsmi şəkildə təsdiqlənib.

“The Vol Strit Jurnal” bir araşdırmanın titan dioksid istehlakı ilə xərçəng riskini artıran bağırsaq iltihabı arasında potensial əlaqə tapdığını yazıb.

Bu cür tapıntılar istehlakçılar arasında narahatlıq yaradır.

Titan dioksid hissəciklərinin udulması aşağıdır. Bununla belə, onlar bədəndə toplana bilər. Fərqində olmadan titan dioksid istehlak etmək istəmirsinizsə, məhsulların etiketini oxumalı və tərkibində bu maddənin olduğu məhsullardan mümkün qədər uzaq durmalısınız.

Qeyd edək ki, bəhs edilən maddə müxtəlif növ konfetlər, saqqızlar, dondurulmuş pizza kimi hazır yeməklərdə də istifadə edilir.

• "Baku Energy Forum"u başladı
• OPEK+ hasilatı artırır: Bakı üçün ciddi risk yarandı
• Dərs yükü ağır, imtahan çətin… - Ekspertlər təklif verdi
• Ceyhun Bayramov Keniyaya yola düşdü
• Qərbi Azərbaycan yaradıla bilər - Krılov
• Ukrayna Rusiyaya dronları hansı ölkədən keçirib? – Sensasiya
• 28 Mayı üç qardaşa layiq qeyd etdik - Ərdoğan
• İlham Əliyevdən millinin qələbəsinə reaksiya - Foto