Dünya futbolunun superstarlarından Lionel Messi hələ 20 yaşı olarkən xeyriyyə tədbirinə qatılır. 

“BUTA.TV” xəbər verir ki, bu, 2007-ci ilə təsadüf edir. Təxminən 17 il əvvəl argentinalı forvard UNICEF də daxil olmaqla xeyriyyə təşkilatlarına pul yığmaq üçün İspaniyanın “Diario Sport” qəzeti ilə tədbirdə iştirak edir. Çəkilişlər zamanı o vaxt gələcək dünya çempionu Coan Monfortun çəkdiyi fotoşəkillər silsiləsi kimi körpə Yamalı beşiyə salır və hətta onu çimdirir.

Bu, Messinin heç vaxt təxmin edə bilməyəcəyi bir şey idi. Argentinalının da ağlına gəlməzdi ki, onun çimdirdiyi bu körpə gələcəkdə əvvəlcə “Barselona”nın, sonra da İspaniya millisinin ulduzlarından birinə çevriləcək və 16 yaşında Fransaya vurduğu qolla Avropa çempionatları tarixində qol vuran ən gənc futbolçu ünvanına yiyələnəcək.

Fotonu çəkən Monfort həmin anı belə xatırlayır:

“Şəkli çəkmək çox çətin idi. Bu fotonu ərsəyə gətirmək üçün xeyli tərlədim. Messi indi də utancaqdır. Çəkilişə başlayanda özünü plastik vannada bir körpə ilə tapır”.

Beləcə Lamalın futbolla əlaqəsi 6 aylıq körpə olarkən Lionel Messi ilə tanışlığı ilə başlayır. Bu, Lamalın atasının da dediyi kimi milyonda bir şansdır:

“O vaxt heç kim bu körpənin gələcəkdə kim olacağını təsəvvür edə bilməzdi. Messi o vaxt “Barselona”da yeni başlamışdı. Bu işlərdə tale mühüm rol oynayır. Bunun baş verməsi milyonda bir şansdır”. 

Hazırladı: Emin Səfərov, Qafqazinfo

• Netanyahu Bakıya gələrsə, həbs ediləcək? - “Məntiq bunu deməyə əsas verir”
• Japarov Azərbaycanla bağlı bu sazişi təsdiqlədi
• COP29 Sədrliyi bəyanat yaydı
• Prezident bu nazirə ali xüsusi rütbə verdi
• Berbok Bakıdan səsləndi: Kritik məqama yaxınlaşırıq!
• Bu sahəyə ayrılan pullar düzgün xərclənilmir - BMT
• Qazaxın azad olunan kəndlərində yeni zastavalar tikiləcək
• “Embawood”un şöbə rəisi arvadını öldürmüşdü - 1 il həbs verildi