Azərbaycanın nəqliyyat naziri olmuş Ziya Məmmədovun qardaşı, keçmiş deputat Elton Məmmədov qarşıdan gələn növbədənkənar parlament seçkilərinə qatılacaq. Qaynarinfo-nun əldə etdiyi məlumata görə, Elton Məmmədov namizədliyini 94 saylı Ucar seçki dairəsindən naziməd olmaq niyyətindədir. Məlumata görə, o, artıq sənədlərini Dairə Seçki Komissiyasına təqdim edib. Elton Məmmədov Qaynarinfo-ya açıqlamasında məlumatı təsdiqləyib. "Qanunvericiliyin tələblərinə uyğun olaraq sənədlərimi 94 saylı dairə seçki komissiyasına təqdim etmişəm", deyə keçmiş deputat bildirib.
Qeyd edək ki, Elton Məmmədov 18 dekabr 1954-cü ildə Ucar rayonunun Qazıqumlaq kəndində anadan olub. O, 2000-2015-ci illərdə 91 saylı Ucar seçki dairəsindən 3 çağırış Milli Məclisin deputatı olub, 13 may 2019-cu ildən 28 noyabr 2019-cu ilə qədər AzTU-nun strateji inkişaf üzrə prorektoru, 28 noyabr 2019-cu il tarixindən 16 yanvar 2020-ci ilə qədər Azərbaycan Milli Elmlər Akademiyası Yüksək Texnologiyalar Parkının direktoru, 16 yanvar 2020-ci il tarixindən Azərbaycan Milli Elmlər Akademiyası İşlər idarəsinin müdiri vəzifələrində çalışıb.
- Bakı-Sumqayıt marşrutu üzrə yeni tariflər – Cədvəl
- Hizbullaha möhlət verilməyəcək – Halevi
- Xankəndinin böyük hissəsi minalardan təmizlənib - ANAMA
- Bayramov Ukraynanın yeni XİN başçısı ilə görüşdü
- Vəziyyət təhlükəlidir, Moskva bundan narahatdır - Peskov
- Zakir Həsənov Ruslan Jaksılıkovla görüşdü
- Putin bunu anlasa, müharibə başa çatacaq – Sikorski
- VAZ-2107 dünyanın ən populyar avtomobilləri sırasında