İyul ayı ərzində vergi orqanlarına 42.018 müraciət daxil olub ki, onların da 96,0 faizini ərizələr, 3,9 faizini şikayətlər, 0,1 faizini isə müxtəlif təkliflər təşkil edib.
İqtisadiyyat Nazirliyi yanında Dövlət Vergi Xidmətindən BUTA.TV-a bildirilib ki, daxil olmuş müraciətlərdən 92,1 faizinin baxılması hesabat ayı ərzində başa çatdırılıb, 7,9 faizi isə hazırda icradadır. Baxılmış müraciətlərdən 59,7 faizi həll edilib, 39 faizi barədə müvafiq izahat verilib, qalanları ilə bağlı qanunamüvafiq qərarlar qəbul olunub.
İyul ayı ərzində daxil olmuş şikayətlərin faktiki sayı ötən ilin müvafiq dövrü ilə müqayisədə 13 faiz azalaraq 1402 təşkil edib. Həll edilmiş şikayətlərin 70,8 faizi kameral vergi yoxlaması, 4 faizi vergi borcu, 3,8 faizi sosial sığorta ödənişləri, 2,2 faizi vergi ödəyicisinin qeydiyyatı, 1,4 faizi maliyyə sanksiyalarının silinməsi, 1,2 faizi artıq ödənilmiş vergilərin, faizlərin və maliyyə sanksiyaların qaytarılması və əvəzləşdirilməsi, 1 faizi şəxsi hesab vərəqələri, 15,6 faizi isə digər məsələlər ilə bağlı olub.
Hesabat dövründə Dövlət Vergi Xidmətinin Aparatında müvafiq vəzifəli şəxslər tərəfindən ümumilikdə 69, o cümlədən şəhid ailəsi və müharibə iştirakçısı olan 5 vətəndaşın qəbulu təşkil edilib. Qəbul zamanı hər bir müraciətə fərdi qaydada yanaşılıb, qanuni tələblərin müsbət həlli üçün lazımi tədbirlər görülüb, həlli imkan xaricində olan məsələlərlə bağlı qanunamüvafiq izahatlar verilib.
- Suriyada hücumun arxasında Türkiyə dayanır? - Atabəy
- Bakını hədəfə alan qız Türkiyədə elə sözlər dedi ki... - Foto
- Dudanın Azərbaycan sərhədinə gəlişi... - Markov
- Hədəfimiz Azərbaycandır: iki qardaş xalq... - İranlı nazir
- Ermənistan himnimizə də göz dikdi: "Üç rəngli..."
- Qərbin hücumu və Bakıda qırılan “100 milyard” tilsimi
- Bakının tələbi var, yoxsa demarkasiya olmayacaq - Sərkisyan
- Polşa səfiri XİN-ə çağırıldı