Türkiyə Böyük Millət Məclisinin sabiq deputatı, əslən azərbaycanlı Yücəl Artantaş uzun sürən xəstəlikdən sonra Ankara şəhərində vəfat edib.
BUTA.TV xəbər verir ki, bu barədə Diasporla İş üzrə Dövlət Komitəsi məlumat yayıb.
Yücəl Artantaş 1952-ci ildə İğdırda anadan olub. Ankara Qazi Universitetində təhsil alıb. Əmək fəaliyyətinə həmkarlar ittifaqında başlayan Yücəl Artantaş Ankara Böyükşəhər Bələdiyyəsində və digər təşkilatlarda mühüm vəzifələrdə çalışıb. Həmvətənlərimizin təşkilatlanmasında, Azərbaycan icmasına məxsus ictimai təsisatların formalaşmasında, onların Türkiyə cəmiyyətinə inteqrasiya olunmasında yaxından iştirak edib.
O, 2002-ci ildə 22-ci çağırış (2002-2007) Türkiyə Böyük Millət Məclisinə millət vəkili seçilib, Türkiyə-Azərbaycan parlamentlərarası dostluq qrupunun sədr müavini olub.
Y.Artantaş Azərbaycan Respublikasının Prezidenti İlham Əliyevin sərəncamı ilə dünya azərbaycanlılarının həmrəyliyi sahəsində fəaliyyətlərinə görə “Şöhrət” ordeni ilə təltif edilib. Yücəl Artantaşa ölkəmizin bu yüksək mükafatını Azərbaycan Respublikasının Prezidenti İlham Əliyev 2006-cı il martın 16-da Heydər Əliyev Sarayında keçirilən Dünya Azərbaycanlılarının II Qurultayında təqdim edib.
- Trampdan Azərbaycan açıqlaması: Bunu həll etdim!
- Fransanın Bakıya göndərdiyi səfir barədə - Yeni detallar
- Nazirlik araşdırmaya başladı: şok faktlar - VİDEO
- Müharibədən sonra ölkəmizə gələn ukraynalıların sayı...
- Müğənni Rəqsanənin həbsinə dair iddialar: Aysun son nöqtəni qoydu
- “Rusiya Azərbaycana qarşı ikinci cəbhə açmağa cəsarət etməz” - Tofiq Zülfüqarov
- 15 yaşlı oğlanın qətli: 10 manata görə...
- Sabah 18 kənddə qaz olmayacaq