2024-cü ilin III rübündə Azərbaycanda vaxtı keçmiş kreditləri ən çox artan banklar sırasında “PAŞA Bank” da yer alıb.
“Yeni Sabah”ın hesablamasına görə, bankın vaxtı keçmiş kreditləri ötən ilin eyni dövrünə nisbətən bu ilin III rübündə 57,6% və ya 55,4 milyon manat artaraq 151,5 milyon manata yüksəlib. Ötən ilin eyni dövründə bu rəqəm 96,2 milyon manata bərabər olub. Nəticədə bankın vaxtı keçmiş kreditlərinin ümumi portfeldə çəkisi 4,4%-dən 4,7%-ə kimi yüksəlib.
“PAŞA Bank”ın vaxtı keçmiş kreditlərində ən böyük artım biznes kreditləri üzrə müşahidə edilir. Bankın vaxtı keçmiş biznes kreditləri 2 dəfə və ya 75,1 milyon manat artaraq 69,4 milyon manatdan 144,4 milyon manata çatıb.
Ən böyük korporativ bankın vaxtı keçmiş istehlak kreditləri isə əksinə, 88% və ya 13,3 milyon manat azalaraq 1,8 milyon manata enib. Bu dövrdə bankın vaxtı keçmiş kreditlərinin yalnız 5,3 milyon manatı danışmaz kreditlərinə aid olub. Bu isə ötən ilin eyni dövrünə nisbətən 55% azdır.
Qeyd edək ki, bir aya qədər gecikdirilmiş kreditlər hesablamada nəzərə alınmayıb.
- Azərbaycanlı Almaniyada yüksək vəzifəyə təyin olundu
- Çin rəsmisi İrəvanda: Simonyanla Azərbaycandan danışdı
- Prezident narkomanlığa qarşı bu proqramı təsdiqlədi
- Mühüm qərar: Bu şəxslər işlə təmin ediləcək...
- Prezidentdən Fətəli xan Xoyski ilə bağlı sərəncam
- ABŞ səfirliyinin əməkdaşı yarım milyonu necə ələ keçirib?
- Bəxtiyar Həsənovun Rusiya vətəndaşlığı ləğv olundu
- Azərbaycana bu il ən çox sərmayə qoyan ölkələr