İçərişəhərdə fəaliyyət göstərən "Burc Qala" restoranı külli miqdarda cərimə edilib.
BUTA.TV Qaynarinfo.az-a istinadla xəbər verir ki, Ekologiya və Təbii Sərvətlər Nazirliyinin 11 saylı Regional Ekologiya və Təbii Sərvətlər İdarəsi tərəfindən restoranda yoxlama keçirilib.
Yoxlama zamanı "Burc" Məhdud Məsuliyyətli Cəmiyətinə (MMC) məxsus "Burc Qala" adlı restoranında monitorinq aparılıb və müəyyən edilib ki, dəm qazı normadan artıqdır.
Restoran sahibi barəsində İnzibati Xətalar Məcəlləsinin 233.1-ci maddəsi ilə protokol tərtib edilib və iş məhkəməyə göndərilib. Məhkəmənin qərarı ilə "Burc" MMC-nin direktoru və qanuni təmsilçisi Rahil Qasımov 10500 manat məbləğində cərimə edilib.
Qeyd edək ki, "Burc" MMC-nin ilk rəhbəri məşhur memar Babakişiyev Cəlal Rasim oğlu, daha sonra Heydərov Rauf Raqif oğlu olub.
- Azərbaycanın balanslaşdırılmış xarici siyasəti
- Azərbaycan və İranın beyin mərkəzləri memorandum imzaladı
- Bakı və İrəvan arasında sülh... - Xətibzadə
- Hərbçilərimiz Moskva küçələrində - Video
- Belarus Azərbaycanla hərbi məhsullar istehsal edəcək
- Turçin Səbaildə Yanğından Mühafizə Hissəsində - Video
- Azərbaycan-Türkiyə əməkdaşlığı müzakirə edildi
- BMT-nin bu qurumunun Azərbaycandakı fəaliyyəti başa çatdı