Rusiya ilə müttəfiq olan Afrikadakı rejimlər Suriyanın başına gəldiyi kimi, öz taleylərinin öhdəsinə buraxılacaqlarından narahatdır.
BUTA.TV xəbər verir ki, bu barədə Fransanın “Le Monde” qəzetində nəşr olunan məqalədə bildirilib.
Nəşr qeyd edib ki, indi Rusiya Suriyanın yeni hakimiyyət orqanları ilə ən azı hansısa formada bazalarını saxlamaq və eyni zamanda əmlakının bir hissəsini Liviyaya verməklə bağlı danışıqlar aparmağa çalışır:
"Orada Kreml ölkənin yarısına nəzarət edən marşal Xəlifə Haftarla yaxşı münasibətlər qurub. Əvvəllər Suriya və Liviya bazaları Rusiya ilə onun Mərkəzi Afrika Respublikası, Mali, Burkina Faso və digər Afrika müttəfiqləri arasında mühüm əlaqə nöqtələri idi. Son aylarda amerikalılar marşal Haftara təzyiqləri artırıb ki, onu Moskva ilə əməkdaşlığı genişləndirməməyə inandırsınlar. Suriyadakı mümkün bazaların itirilməsi Liviyanı Rusiya üçün daha da vacib edəcək.
Amma Liviyada logistik problemlərlə yanaşı, Rusiya Afrikadakı müttəfiqləri ilə də siyasi problemlər yaşamağa başlayır.
Moskvanın dəstəklədiyi Afrika xuntaları Suriyadakı hadisələri və Rusiyanın onlara reaksiyasını yaxından izləyib. Və hamısı oxşar nəticəyə gəlib: Kreml ya Bəşər Əsəd rejimini xilas edə bilmədi, ya da sadəcə olaraq ondan imtina etdi".
- Nazir Rahim Hüseynova yüksək vəzifə verdi
- Kapital Bank bu tələbələr üçün təqaüd proqramına start verdi
- Əli Əsədov Pakistanın neft naziri ilə görüşdü
- Eks-bankir üzərində həbs olan villanı Ziya Məmmədova satıb?
- Sabah Bakıda mühüm konfrans baş tutacaq
- Rusiya nüvə gücünə zərbə endirildi: Kiyevin əsl planı nədir?
- Türkiyə və Azərbaycan bu baxımdan strateji əhəmiyyət daşıyır
- İran Azərbaycana yeni səfir təyin etdi