Çeçenistan rəhbəri Ramzan Kadırovun Bakı-Qroznı reysini həyata keçirən AZAL təyyarəsinin Aktau hava limanı yaxınlığında qəzaya uğraması və çoxsaylı insan tələfatı ilə bağlı bu gün (28 dekabr) Çeçenistanda matəm elan etməsi birmənalı qarşılanmayıb.
BUTA.TV xəbər verir ki, politoloq Turab Rzayev etiraf və üzrxahlıq olmadan matəm elanının məqsədinin bəlli olduğunu deyib.
“Çeçenistan niyə matəm elan edir? Quş sürüsü Dağıstandan uçduğu üçün? Bizim təyyarə Aktauda qəzaya düşübsə, Kadırova nə?
Əvvəlcə təyyarəni vurduğunu elan elə, sonra matəm keçir. Təyyarəni vurmamısansa, niyə matəm elan edirsən? Öncə yardım, indi matəm - yəni, əlimizdən bu gəlir?
Bizim tərəf müqabilimiz Qroznı deyil, Moskvadır.
Yardım təklif edəcək, üzr istəyəcək, kompensasiya verəcək tərəf də Kadırov deyil”, - politoloq bildirib.
Avropada yaşayan jurnalist Elbəyi Həsənli isə qeyd edib ki, Çeçenistanda matəm elan olunması təyyarənin Rusiya tərəfindən vurulmasının dolayı yolla etirafıdır:
“Ancaq bunu Rusiya birbaşa və birmənalı etiraf etməlidir”.
Qeyd edək ki, 25 dekabrda Bakı-Qroznı reysini həyata keçirən AZAL təyyarəsi Qroznı səmasında Rusiya HHM sistemləri tərəfindən vurulub və ciddi zədə alıb. Enişinə icazə verilmədiyindən Aktauya istiqamət götürən təyyarə Aktau hava limanı yaxınlığında qəzaya uğrayıb. Qəza nəticəsində göyərtədə olan 67 nəfərdən 38-i həlak olub, 29 nəfər sağ qalıb.
Rusiya indiyə qədər Azərbaycandan üzr istəməyib və təyyarənin enişinə icazə verməyən şəxsləri məsuliyyətə cəlb etməyib.
- Trampın 3 ölkəni təhdid edən sensasion Milad “təbriki”
- Kamran Əliyev Bastrıkinlə danışdı: Qəzanın birgə istintaqı...
- İlham Əliyev ekipaj üzvlərinin vida mərasimində iştirak etdi
- Bizdən əl çək! - Kanadalı siyasətçidən Trampa
- Rusiyanın bəzi aviaşirkətləri Azərbaycana reyslərini ləğv etdi
- Ekipaj qəza ilə bağlı siqnal göndərib, qəbul etməyiblər - AZAL
- İlham Əliyev və xanımı ekipaj üzvlərinin vida mərasiminə əklillər göndərdi
- AZAL dünyanın ən etibarlı aviaşirkətlərindən biridir