Milli Təhlükəsizlik Xidmətinin təqdimatından sonra İrəvanın mərkəzindəki Respublika meydanında Güney azərbaycanlılar tərəfindən ifa edilən “Qarabağ” mahnısının videosunu yayan şəxs İstintaq Komitəsinin vəsatəti ilə həbs edilib.
BUTA.TV xəbər verir ki, videonu yayan Müstəqil Strateji Araşdırmalar Mərkəzinin rəhbəri G.B.-yə qarşı nifrət, ayrı-seçkilik, dözümsüzlük və düşmənçiliyin qızışdırılması ittihamı irəli sürülüb.
Bildirilib ki, 30 yanvar 2024-cü ildə İran vətəndaşları tərəfindən Respublika meydanında oxunan mahnını çəkərək, onun mahiyyətini təhrif edən təqdimatla yayan G.B bununla Ermənistan hakimiyyətinə və polis əməkdaşlarına qarşı nifrət, dözümsüzlük və düşmənçiliyin qızışdırılmasına yönəlmiş cinayətlər törədib.
Qeyd edək ki, Güney azərbaycanlıların İrəvanın mərkəzində “Anadır arzulara hər zaman Qarabağ” mahnısını ifa etməsi Ermənistan sosial şəbəkə və mediasında müzakirələrə yol açmışdı.
Bunun ardınca Ermənistan MTX araşdırmalara başlamışdı.
- Şahin Şıxlinski sərbəst buraxıldı
- Azərbaycan Polisi 107 yaşında!
- Rusiya vətəndaşları barəsində həbs qətimkan tədbiri seçildi
- Rusiyadakı beynəlxalq təşkilatlara müraciət olunacaq
- Rusiyada azərbaycanlı iş adamı və diaspor rəhbəri saxlanıldı
- Moskvanın Bakıya “demarşı”: buna hazırlaşmalıyıq
- Rəsmi Bakıdan Rusiyaya: Daxili işimizə qarışma! - Nota
- "Sputnik Azərbaycan"da saxlanılanların məhkəmələri keçiriləcək