Ermənistanın yaxın gələcəkdə Avropa Birliyinə (AB) inteqrasiya istiqamətində hüquqi addımlar atması real görünmür. Bu proses əsasən siyasi bəyanatlardan ibarətdir, praktik nəticələri yoxdur. Gürcüstan təcrübəsi və mövcud geosiyasi vəziyyət İrəvan üçün sürətli inteqrasiyanın əlçatan olmadığını göstərir.

Bu fikirləri BUTA.TV-a açıqlamasında politoloq Hüseyn İbrahimov deyib.

Onun sözlərinə görə, Ermənistan Baş naziri Nikol Paşinyanın Avropaya inteqrasiyaya dair açıqlamaları daha çox siyasi manevr xarakteri daşıyır və əsas məqsəd Fransanın və digər qlobal güclərin Ermənistana siyasi dəstəyini qazanmaqdır. Lakin bu yanaşma real nəticələrdən uzaqdır.

Politoloq qeyd edib ki, Ermənistanın Avropaya inteqrasiyası ilə bağlı atacağı istənilən ciddi addım Rusiyanın kəskin reaksiyası ilə qarşılaşacaq:

"AB-yə inteqrasiya istiqamətində real addımlar atılarsa, Rusiya Ermənistana qarşı iqtisadi təzyiqləri və hətta sanksiyaları gündəmə gətirə bilər. Bundan əlavə, ABŞ-ın AB ilə münasibətlərinin gərginləşdiyi bir dövrdə Ermənistanın AB-yə üzv olmaq təşəbbüsləri Moskvanın daha sərt mövqe sərgiləməsinə səbəb ola bilər”.

Hüseyn İbrahimov hesab edir ki, Paşinyanın bu prosesdə konkret strategiyası yoxdur:

"Bu, yalnız taktiki gedişlərdir və əksinə, Ermənistanın gələcəkdə möhkəm bir strategiya qurmaq imkanlarını məhdudlaşdıra bilər”.

Bundan əlavə, politoloq vurğulayıb ki, ölkə nə iqtisadi, nə də sosial baxımdan Qərbə inteqrasiya tələblərinə cavab verən vəziyyətdədir.

• Böyük Britaniya Çingiz Əliyevə sanksiyalar tətbiq etdi
• Xəzər dənizi ilə bağlı növbəti mühüm iclas keçirildi
• AMEA Kamran Əsədova fəxri diplomu nə vaxt verib?
• Azərbaycanda bu mobil operator fəaliyyətini dayandırdı
• Azərbaycana qarşı bu qətnamənin heç bir əsası yoxdur
• Paşinyandan paylaşım: Azərbaycan qatarı Ermənistanda - Video
• Amnistiya tətbiq ediləcək şəxslərin siyahısı... - Nazirlik
• Anar Əsədlinin ev dustaqlığına buraxılması istənildi - Qərar