ABŞ Prezidenti Tramp deyir ki, Ukraynaya 300 milyard dollara yaxın yardım olub, Ukrayna lideri Zelenski isə bu yardımın cəmi 100 milyard dollara yaxınının Ukraynaya verildiyini bildirir. Tramp da yerdə qalan vəsaitin “yerini” soruşur.

BUTA.TV xəbər verir ki, bu sözləri ReAL sədri Natiq Cəfərli Tramp-Zelenski mübahisəsi haqda qeyd edib.

“Məncə, bu işin məğzi belədir: Tramp Zelenskinin “Bu çatışmayan vəsaiti Demokratlar Partiyasından, Baydendən, oğlundan soruşun” deməsini istəyir ki, ABŞ daxilində gedən ciddi mübarizədə demokratlara bağlı “dərin dövləti” tamamən sıradan çıxartsın. Məsələ budur – Trampın bütün açıqlamaları daxili siyasəti üçündür, öz seçicisinə ünvanlanıb.

Tramp öz seçicisi, ABŞ xalqı qarşısında məsuliyyət daşıyır, onun hamının xoşuna gəlmək istəyi, bütün dünyanın onu sevməsi kimi dərdi yoxdur. Dili-üslubu incidicidir, hətta qəzəb doğurur, amma sözlərinin ünvanı ABŞ xalqı, istəyi isə ABŞ daxilində gedən mübarizəni udmaqdır.

Daha bir məsələ odur ki, Tramp və komandası Putinə, Rusiyaya “sağmal inək” kimi baxır - son 80 ildə o “inəyi” Avropa “sağırdı”, son 10 ildə, 2014-dən sonra “inəyi” Çin sağmağa başladı - indi Tramp istəyir ki, “inəyin südü-qatığı-qaymağı” ABŞ-a çatsın...” – siyasətçi bildirib.

• Bakı və İrəvan arasındakı sülh bu ölkələr üçün... - Senator
• Rusiya Azərbaycanla bağlı iddianı rədd etdi
• Qətəri vurmaq üçün qalxan İsrail təyyarələri... - Şok fakt
• Rus kəşfiyyatının Bakıda gizli fəaliyyəti... - Şok detallar
• Simonyan çox irəli getdi: Azərbaycanla vahid bazar...
• İğtişaşların səbəbi: Nepal uğrunda Çin-ABŞ savaşı?
• Qriqoryan Azərbaycana gəldi
• İrəvandan Zəngəzur açıqlaması: Dağlar dağıdılır, yol çəkilir