Xəbər verdiyimiz kimi, bu gün Prezident İlham Əliyevin srəncamı ilə İqtisadiyyat Nazirliyi yanında Dövlət Vergi Xidməti rəisinin müavini Emil Maqsud oğlu Qarayevə 3-cü dərəcəli dövlət vergi xidməti müşaviri ali xüsusi rütbəsi verilib.
BUTA.TV xəbər verir ki, E.Qarayev 1984-cü il tarixdə Bakı şəhərində anadan olub. 2005-ci ildə Bakı Dövlət Universitetinin hüquqşünaslıq ixtisasını bakalavr pilləsi üzrə, 2009-cu ildə eyni universitetin cinayət hüququ, cinayət prosesi, kriminalistika və məhkəmə ekspertizası ixtisasını magistr pilləsi üzrə bitirib.
2005-2006-cı illərdə Azərbaycan Ordusu sıralarında hərbi xidmətdə olub.
2006-2009-cu illərdə "Deloitte Touche" MMC-də vergi üzrə məsləhətçi, 2009-2011-ci illərdə baş məsləhətçi, 2011-2016-cı illərdə vergi üzrə menecer və baş menecer, 2016-2019-cu illərdə vergi və hüquq məsələləri üzrə direktor vəzifələrində işləyib.
2019-cu ilin may-iyul aylarında Vergilər Nazirliyi yanında Milli Gəlirlər Departamentinin baş direktorunun müavini, 2019-cu ilin iyul-avqust aylarında baş direktorunun 1-ci müavini vəzifələrində çalışıb.
2019-2020-ci illərdə Vergilər Nazirliyi yanında Milli Gəlirlər Baş idarəsi rəisinin 1-ci müavini, 2020-2021-ci illərdə Vergilər Nazirliyi yanında Bakı şəhəri Lokal Gəlirlər Baş idarəsi rəisinin 1-ci müavini, 2021-2022-ci illərdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş idarəsinin rəisi vəzifəsində işləyib.
2022-2024-cü illərdə İqtisadiyyat Nazirliyi yanında Dövlət Vergi Xidməti Aparatının rəhbəri vəzifəsində çalışıb.
14 iyun 2024-cü ildə İqtisadiyyat Nazirliyi yanında Dövlət Vergi Xidmətinin rəisinin müavini vəzifəsinə təyin edilib.
Ailəlidir, 2 övladı var.
- Bakıda yeyib-içən dörd dostun meyiti tapıldı
- Si Kremldən şübhələndi - Tramp istəyinə çatır
- Ruslar Xocalıda yerləşmişdi: Orda mina necə ola bilər?
- Azərbaycanlılar mənim üçün yad deyillər - Kavelaşvili
- İmamoğlu prezidentliyə namizədlik üçün müraciət etdi - Video
- ABŞ-ın Ukrayna ilə bağlı siyasətinin 3 mühüm səbəbi
- Ermənistan təmas xəttindən çox uzaqlarda mina yerləşdirib
- Prezidentin ali xüsusi rütbə verdiyi Emil Qarayev - Dosye