Göygöl rayonu ərazisində yerləşən göldə 2 azyaşlı boğulub.

“BUTA.TV” xəbər verir ki, vəfat edən uşaqlardan birinin 10, digərinin isə 9 yaşı var.

Hadisə yerinə hüquq-mühafizə orqanı əməkdaşları cəlb olunub.

İlkin ehtimala görə, uşaqlar göldə çimərkən boğulub.

Faktla bağlı araşdırma başlanılıb.

***

Hadisə rayonun Bəhrambağ kəndində qeydə alınıb.

2017-ci il təvəllüdlü R.Həsənov və onun qohumu 2016-cı il təvəllüdlü Y.Nəsibov süni göldə boğularaq ölüblər.

R.Həsənov üçüncü, Y.Nəsibov isə dördüncü sinif şagirdi olub. Hər iki uşağın meyiti tapılıb.

Məlumata görə, R.Həsənov Gəncədə yaşayıb. O, babası evinə qonaq gəlibmiş.

***

Hadisə ilə bağlı Fövqəladə Hallar Nazirliyi (FHN) də məlumat yayıb.

Bildirilib ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.

Dalğıclar tərəfindən 2017-ci il təvəllüdlü Həsənov Ramil Rövşən oğlunun meyiti suda tapılıb çıxarılaraq aidiyyəti üzrə təhvil verilib. Göldə batan digər azyaşlı, 2016-cı il təvəllüdlü Nəsibov Yusif Sərxan oğlunun da meyiti tapılıb.

Hadisə ilə əlaqədar müvafiq qurumlar tərəfindən araşdırma aparılır.

Yunis Quliyev

• Oğuzda bu park baxımsız vəziyyətdədir - Video
• Bəzi yerlərdə yağıntılar leysan xarakterlidir
• Məzuniyyətə çıxmadan pulunu almaq olar?
• Ali Məhkəmə podrat müqavilələri ilə bağlı qərar qəbul etdi
• İsanın həvarisi Azərbaycanda bu kilsədə dəfn olunub
• Dövlət sərhədində 40 kq narkotik dövriyyədən çıxarıldı
• Hava limanı yolundakı yeni qurğular sürət ölçür? - Rəsmi
• Ağstafada kişi meyiti tapıldı