İtin insanı dişləməsinin quduzluq xəstəliyi riski yarada biləcəyi demək olar ki, hamıya bəllidir. İt dişləməsi zamanı quduzluq virusu heyvanın tüpürcəyi ilə birbaşa yaraya keçə bilər. Bu mərkəzi sinir sistemini zədələyən və təcili müdaxilə edilmədikdə ölümcül olan təhlükəli infeksiyadır.

Amma Xaçmaz rayonunun Yergüc kəndində isə uzunqulağın dişləməsi insan ölümünə səbəb olub.

Həmin kəndin 70 yaşlı sakini Murad Əsfəndiyarovu ölümündən bir həftə əvvəl uzunqulaq dişləyib. Yayılan xəbərlərdə ölüm faktı da bununla əlaqələndirlir. Bəs uzunqulaq dişləməsi nəticəsində 1 həftə sonra insan ölümü həqiqətən mümkündürmü?

BUTA.TV xəbər verir ki, infeksionist Azər Nağıyev Bakupost.az-a açıqlamasınmda uzunqulağın insanı dişləməsinin ölümə səbəb olmasının çox az ehtimal olunan hal olduğunu bildirib.

“Bütün heyvanlardan quduzluq xəstəliyi yayıla bilər. Bu inkar edilmir. Amma hətta uzunqulağın dişləməsilə insan quduzluq xəstəliyinə tutulsa belə, bir həftəyə quduzluqdan adam ölmür. Ölümün başqa səbəbdən olma ehtimalı daha yüksəkdir. 70 yaşlı insanın başqa çoxsaylı problemləri ola bilər. Onda ürək, beyin xəstəliyi ola bilər, qəfləti qısa müddətli ölümlər də mümkündür”, - o deyib.

• Bu yaşdan sonra sürücülük vəsiqəsi verilməyəcək?
• 10 heyvan kəsimi məntəqəsində ciddi nöqsanlar aşkarlandı
• Bu gün və sabah geomaqnit qasırğası gözlənilir
• DİN onlayn alış-verişlə bağlı xəbərdarlıq etdi
• Azərbaycanlı tələbə Rusiyada Kadırova görə həbs edildi
• Əməyin təhlükəsizliyi ilə bağlı daha 55 milli standart hazırlanır
• Bəşər Əsəd barəsində qiyabi ölüm hökmü çıxarıldı
• Ana-oğuldan sonra ata da öldü - Toya hazırlaşırdılar... - Foto