Azərbaycanın NATO Dəniz Təhlükəsizliyi Mükəmməllik Mərkəzinə (DGMM/MARSEC COE) qoşulması üçün texniki razılaşma imzalanıb.

BUTA.TV APA-ya istinadən xəbər verir ki, bu barədə Türkiyə MN məlumat yayıb.

Qeyd olunub ki, sənədə imzanı DGMM sponsor ölkələri - Türkiyə, Portuqaliya, Rumıniya, Yunanıstan və Azərbaycan nümayəndələri atıb:

“Bu tənzimləmə (sənəd) ilə NATO Dəniz Təhlükəsizliyi Mükəmməllik Mərkəzində Azərbaycan bayrağı dalğalanacaq və mərkəzdə Azərbaycanlı şəxsi heyət daimi fəaliyyət göstərəcək”.

NATO Dəniz Təhlükəsizliyi Mükəmməllik Mərkəzi haqqında

NATO-nun dəniz təhlükəsizliyi sahəsində ixtisaslaşmış tədqiqat və təlim mərkəzlərindən biridir. Bu cür Mükəmməllik Mərkəzləri (Centres of Excellence – COE) NATO-nun müttəfiq ölkələri tərəfindən təsis edilir və hərbi, eləcə də strateji sahələrdə alyansa dəstək vermək məqsədini güdür.

Mərkəzin əsas funksiyaları:

- Dəniz təhlükəsizliyinin gücləndirilməsi – dəniz əməliyyatlarının təhlükəsizliyini artırmaq üçün strategiyalar və təlimatlar hazırlayır.

- Tədqiqat və təhlil – dənizdəki təhdidləri və riskləri araşdıraraq NATO ölkələrinə tövsiyələr verir.

-Təlim və tədris proqramları – NATO və tərəfdaş ölkələrin dəniz qüvvələri üçün təlimlər keçirir.

- Beynəlxalq əməkdaşlıq – dəniz təhlükəsizliyi ilə bağlı müttəfiq və tərəfdaş ölkələrlə birgə fəaliyyət göstərir.

Mərkəzin yerləşməsi və təşkili

NATO-nun Dəniz Təhlükəsizliyi Mükəmməllik Mərkəzi 2023-cü ilin mart ayında rəsmi olaraq Türkiyənin İstanbul şəhərində fəaliyyətə başlayıb. Mərkəz Türkiyə Hərbi Dəniz Qüvvələrinin təşəbbüsü ilə yaradılıb və NATO-nun təsdiqlədiyi ixtisaslaşmış bir qurumdur. Bu mərkəz NATO daxilində dəniz təhlükəsizliyi sahəsində bilik və təcrübənin inkişafına xidmət edir və müasir dövrdə dənizdə artan risklərə qarşı effektiv həll yolları təklif edir.

• Nazilə Səfərlidən QALMAQALLI AÇIQLAMA: "Gürcüstana toya gedən bəzi müğənnilər quldurlarla əlbirdir"
• Ölkəmizə Avropada şər atan daha bir azərbaycanlı - Foto
• Bakı ilə saziş imzalansa da, müşahidəçilər yenə qalacaq
• Deputat: "Boşanmış biri normal məsləhət verə bilməz"
• Ermənistan ordusu hərəkətləndi: hara gedir? – VİDEO
• Azərbaycanın narahatlığına Türkiyə nöqtə qoydu
• AAYDA məhkəməni uduzdu: Qəzalı yola görə sürücüyə cərimə ödəyəcək
• Makqreqorun İrlandiya prezidenti olmaq şansları qiymətləndirildi