Məsud Pezeşkian məktəblərdə ana dillərinin (qeyri-fars – red.) tədrisinin tərədarıdır, qeyri-fars dillərin tədrisi ilə bağlı parlamentin təqdim etdiyi layihə hökumətin müzakirəsinə verilməyib, hökumətin nümayəndəsinin parlamentdəki çıxışı isə onun öz şəxsi mövqeyidir.

BUTA.TV xəbər verir ki, bunu Pezeşkianın parlamentdəki müavini Şəhram Dəbiri özünün sosial media hesabında yazıb.

“Bu, prezidentin müxtəlif dövrlərdə təbliğat kampaniyasının əsas şüarlarından biri olub və məsələ Konstitusiyanın 15-ci maddəsində də əks olunub. Bu səbəbdən də cənab Pezeşkianın razılıq verəcəyi və buna ehtiyac duyulduğu təqdirdə, hökumətin layihəsini təqdim etməyə hazırıq və millət vəkillərindən də bunu təsdiq etmələrini istəyirik”, - o əlavə edib.

Qeyd edək ki, fevralın 26-da İran parlamentinin açıq iclasında qeyri-fars dillərin həftədə 2 saat tədrisini nəzərdə tutan qanun layihəsi səsverməyə çıxarılıb.

Səsvermədə iştirak edən 246 millət vəkilinin 104-ü qanun layihəsinin lehinə, 130-u əleyhinə səs verib, 5 millət vəkili tərəfsiz olub, 7 nəfər isə səsvermədə iştirak etməyib.

Məsud Pezeşkianın parlament vitse-prezidentinin qanunvericilik məsələləri üzrə müavini vəzifəsinə təyin etdiyi Kazim Dilxoş Əbatəri isə səsvermədən əvvəl çıxış edərək, layihənin ölkənin milli təhlükəsizliyinə zidd olduğunu iddia edib və millət vəkillərini layihənin əleyhinə səs verməyə təşviq edib.

O, çıxışında səsləndirdiyi fikirlərin dövlətin rəsmi mövqeyi olduğunu bildirsə də, Məsud Pezeşkianın başqa müavini Şəhram Dəbiri bunu Əbtərinin şəxsi mülahizələri olduğunu iddia edib.

• Evinin sənədi olmayanlara vacib xəbər: 15 günə çıxarış alacaqsınız
• DYP-dən yük maşını sürücülərinə xəbərdarlıq
• Emin Hüseynovdan sensasion açıqlama: “Səfirlikdən çıxışımda Rasim Əliyev dəstək olmuşdu”
• Ağdama daha 120 ailə yola salındı
• Saleh Məmmədovun komandası yoxlanılır - HƏBSLƏR GÖZLƏNİLİR
• Azərbaycanda avtomobillər BAHALAŞA BİLƏR - VİDEO
• Bu ərazilərdə işıq olmayacaq
• Bakıda dəhşətli qətl: Sələmçi 23 bıçaq zərbəsi ilə öldürüldü