“Düşünürəm ki, bəzi məsələlərin üstünü açmağın vaxtıdır. Hamınız bilirsiniz ki, “Barselona” qonşu ölkədə (Azərbaycanı nəzərdə tutur – red.) futbol akademiyası açacaq, amma bu, sikkənin o biri üzüdür”.

BUTA.TV Globalinfo.az-a istinadla xəbər verir ki, bunu erməni marketoloq Alfred Petrosyan Feysbuk hesabında yazıb.

O bildirib ki, sözügedən akademiya Ermənistanda açılmalı idi, lakin plan baş tutmadı:

“Sikkənin digər tərəfində belə bir hekayə var: “Barselona” akademiyası Ermənistanda açılacaqdı. Mən bütün bu prosesi idarə etdim, hətta ilkin müqavilə də imzaladıq. Müqaviləmizdə xüsusi bir bənd var idi: buna görə yaxın 40 ildə qonşu ölkələrimizdən heç birində “Barselona” akademiyası açılmamalı idi. Layihənin səfiri kimi Ronaldinyonu seçmişdik. Təkcə müqavilənin imzalanması üçün tarix təyin etmək qalırdı, amma gördüyünüz kimi, o gün heç vaxt gəlmədi”.

Qeyd edək ki, martın 1-də Azərbaycan Prezidenti İlham Əliyev “Barselona” klubunun prezidenti Xuan Laportanı qəbul edib. Görüşdə Azərbaycanda “Barselona” futbol akademiyasının yaradılması ilə bağlı sənədin imzalanacağı bildirilib, akademiyanın gələcək fəaliyyətinə dair məsələlər ətrafında fikir mübadiləsi aparılıb.

• AMEA Kamran Əsədova fəxri diplomu nə vaxt verib?
• Azərbaycanda bu mobil operator fəaliyyətini dayandırdı
• Azərbaycana qarşı bu qətnamənin heç bir əsası yoxdur
• Paşinyandan paylaşım: Azərbaycan qatarı Ermənistanda - Video
• Amnistiya tətbiq ediləcək şəxslərin siyahısı... - Nazirlik
• Anar Əsədlinin ev dustaqlığına buraxılması istənildi - Qərar
• Jirinovskinin inanılmaz proqnozları: ABŞ-Rusiya belə razılaşır
• Azərbaycanda xüsusi karantin rejimi ilə bağlı - Qərar