Hazırda ən real ssenari – hərbi əməliyyatların dayandırılması, itirilmiş ərazilərin hüquqi cəhətdən tanınmaması, silahlanma və müharibənin yenidən başlanmasına daim hazır olmaqdır.

BUTA.TV xəbər verir ki, bunu Ukraynanın keçmiş xarici işlər naziri Dmitri Kuleba Ukraynanın gələcəyi üçün üç potensial ssenarini açıqlayarkən deyib.

"Ola biləcək ən pis ssenari – Ukrayna dövlətinin dünya xəritəsindən yox olmasıdır. Hər kəs əllərini yanına salıb dayanır. Bəlkə hansısa bir “parça” qalacaq, amma mən buna şübhə edirəm", - Kuleba vurğulayıb.

Onun sözlərinə görə, "orta" ssenari odur ki, müharibə hazırkı cəbhə xətti boyunca dayanır, Ukrayna hərbi cəhətdən "tıxanır". Eyni zamanda, Rusiya Ukrayna məsələsini tam həll etmək üçün hazırlaşır.

"Ən yaxşı ssenari iki hissəyə bölünür: qısamüddətli və uzunmüddətli. Qısamüddətli perspektivdə – olduğumuz yerdə dayanırıq, bizi Avropa Birliyinə qəbul edirlər, silahlarla gücləndirirlər ki, Rusiya hücumunu dəf edə bilək. Rusiya isə öz problemləri ilə məşğul olduğu üçün yenidən aqressiyaya əl atmır. Sonra Putin ölür və biz itirdiklərimizi, heç olmasa, qismən geri qaytarmaq şansı əldə edirik", – Kuleba qeyd edib.

Bununla belə, keçmiş nazir vurğulayıb ki, bu, olduqca optimist ssenaridir:

"Bu gün üçün real ssenari – hərbi əməliyyatları dayandırmaq, ərazilərin itirilməsini və NATO üzvlüyündən imtinanı hüquqi cəhətdən qəbul etməmək, Avropaya yaxınlaşmaq, silahlanmaq və ümid etməkdir ki, müharibə heç vaxt yenidən başlamaz. Hazırda Ukraynanın maraqlarına ən uyğun gələn ssenari budur".

• Ukraynada Azərbaycan abidələrinin mühafizəsinə başlandı
• İranda yaşam mücadiləsi: Molla rejimi pulları hara xərcləyir? - Video
• Ağdamın ağ günləri geri qayıdır
• Ermənistan nümayəndə heyəti Azərbaycana nə vaxt gəlir?
• Rusiya ilə gərginlik Bakını ABŞ-la yaxınlaşdırdı Herbst
• Prezident Omanın Sultanını təbrik etdi
• Azərbyacan bu platformaya qoşulacaq - Herbst
• Rəşt–Astara dəmir yolu nə vaxt hazır olacaq? - İrandan açıqlama