Gələn ay Laçında Türk Dövlətləri Təşkilatının (TDT) Sammiti keçiriləcək.
BUTA.TV xəbər verir ki, bunu Trend-ə Türkiyə Prezidentinin baş müşaviri Çağrı Ərhan Bakıda “Yeni Dünya Nizamına Doğru” mövzusunda 7-ci ADA Siyasi Forumu çərçivəsində verdiyi açıqlamada bildirib.
"Gələn ay Laçında Türk Dövlətləri Təşkilatının sammiti keçiriləcək. Bu sammitdə biz bir daha Türkiyə və Azərbaycanın Türk Dünyasının birliyi və əməkdaşlığı mövzusunda güclü həmrəylik içində olacaqlarını görəcəyik", - o bildirib.
Ç.Ərhan qeyd edib ki, Azərbaycanla Türkiyə arasında hər hansı iki ölkə arasında mövcud olan əlaqələrdən qat-qat artıq əlaqələr mövcuddur.
O bildirib ki, Prezident İlham Əliyev bu gün ADA Universitetində çıxışında bunu çox aydın ifadə etdi.
"İqtisadiyyatdan turizmə, siyasi əlaqələrdən tutmuş ən mühüm sahə olan müdafiə əlaqələrinə, Şuşa Bəyannaməsi çərçivəsində qurulan müttəfiqlik münasibətlərinə qədər hər sahədə Azərbaycan və Türkiyə arasında çox yüksək səviyyəli əlaqələr qurulub. Ticarət və investisiyalar həm də bu iki ölkəyə Cənubi Qafqazda sülh və sabitliyə birgə töhfə verməyə imkan yaradır. Hesab edirəm ki, həm Türkiyə Prezidenti Rəcəb Tayyib Ərdoğanın, həm də Azərbaycan Prezidenti İlham Əliyevin qardaşlıq duyğuları ilə göstərdikləri liderlik bu qarşılıqlı həmrəyliyin və əməkdaşlığın inkişafına çox güclü təkan verir", - deyə o əlavə edib.
- Hər şeyi edəcəyik ki, Əliyev İrəvanda... - Simonyan
- DTX-nin saxladığı başçının köməkçisi danışdı
- Türk ölkəsində seçki: Rusiya “rusdilli əhali”dən narahatdır
- Zəngəzur dəhlizinin tərkib hissəsi olan Həkəri stansiyası... - Video
- Azərbaycanlıların gəlməsində heç bir problemi yoxdur
- “Biz” deyirəm – yəni Azərbaycanla Ermənistan...
- Hikmət Hacıyevdən Zəngəzur dəhlizi ilə bağlı sevindirici xəbər
- Azərbaycan İranla quru sərhədini açır? - Arakçı