Son vaxtlar ictimaiyyət arasında, xüsusən də sosial şəbəkələrdə, eləcə də xəbər saytlarında Ermənistanın Azərbaycan vətəndaşları ilə bağlı axtarışları geri götürməsi ilə bağlı müzakirələr gedir.

BUTA.TV Bakupost.az-a istinadən xəbər verir ki, bu barədə Ermənistan Daxili İşlər Nazirliyinin (DİN) mətbuat xidməti məlumat yayıb.

“Ermənistan ilə Azərbaycan arasında hələ 2007-ci ildə əldə edilmiş razılaşmaya əsasən, tərəflər qarşılıqlılıq prinsipi əsasında MDB-yə üzv dövlətlərin ərazisində hər iki ölkənin vətəndaşlarına qarşı elan edilmiş dövlətlərarası axtarışları dayandırmaq barədə razılığa gəliblər. Qeyd olunan razılaşma və tərəflərin 2007-ci ildən əldə edilmiş razılaşmanı pozmamasına əsaslanaraq, 2024-cü ildə tərəflər qarşılıqlılıq prinsipi əsasında MDB-yə üzv dövlətlərin ərazisində dövlətlərarası axtarışların dayandırılması öhdəliyini təsdiqləyiblər”, - qurumdan bildirilib.

Xatırladaq ki, bundan əvvəl Azərbaycan vətəndaşı, idmançı Kamil Zeynallı barəsində Ermənistan Baş Prokurorluğu tərəfindən elan edilmiş axtarışın dayandırılması barədə məlumat yayılmışdı. Qərar ermənilər arasında etirazlara səbəb olmuşdu.

Ötən il Kamil Zeynallı barəsində qondarma ittihamlarla Ermənistanda “cinayət işi” açılıb, “beynəlxalq axtarış” elan edilmişdi. İdmançı həmin ilin fevralında Moskvadan Bakıya qayıdarkən saxlanılsa da, sonradan sərbəst buraxılmışdı. Həmin vaxt onun İrəvana təhvil veriləcəyi barədə məlumat yayılmışdı.

• Dəhlizdə Azərbaycan vətəndaşı yoxlanacaq? - Paşinyan
• Polşaya hücum: Putin qurbağanı qaynatmağa başladı
• 16 yaşlı qız cinsi zorladılar, 4 nəfər həbs olundu
• Sabiqlərlə bağlı SENSASİYA: Azərbaycanı təhlükə gözləyir - Siyahıdakı adlar...
• Onlar son zamanlar 100 milyonluq əmlak satıblar... – İDDİA
• Rus dronları Polşaya qəsdən girib – Putinin məqsədi nədir?
• Manaf Ağayevin oğluna vəzifə verildi
• Onlar da polisin vəzifələrini icra edəcək