Azərbaycan Çin üçün maraqlı tərəfdaşa çevrilir. Bu marağın Pekin üçün bir neçə səbəbi var.
BUTA.TV xəbər verir ki, bunu rusiyalı politoloq Sergey Markov “Moskva-Bakı”ya müsahibəsində deyib.
“Birincisi, Çin ABŞ-ın tarif müharibələrinə qarşı koalisiya qurmağa çalışır. İkincisi, Çin Avropa ilə strateji müttəfiqlik yaratmaq istəyir. Və burada Azərbaycan AB-nin enerji siyasətində liderlərdən biri kimi öz töhfəsini verə bilər. Üçüncüsü, Azərbaycan Çinin çoxqütblü dünya konsepsiyasını dəstəkləyir. Bu o deməkdir ki, Azərbaycan Pekinin müxtəlif xalqların öz inkişaflarını sürətləndirmək üçün fərqli siyasi sistemlərdən istifadə etməsi və burada avropalıların, eləcə də amerikalıların demokratiya anlayışı ilə bağlı sınaqdan keçmək məcburiyyətində olmamasına dair siyasətini dəstəkləyir”, - o bildirib.
Markov qeyd edib ki, Azərbaycan Prezidenti İlham Əliyevin əvvəllər də Çinə dövlət səfəri etməsinə baxmayaraq, bu gün Bakı ilə Pekin arasında münasibətlər intensivləşib:
“Bakı üçün bu, beynəlxalq arenada irəliyə doğru böyük sıçrayışı simvollaşdırır. Təbii ki, çoxqütblü dünya quruculuğu və beynəlxalq təhlükəsizliyin təmin edilməsi istiqamətində Azərbaycanla Çin arasında qarşılıqlı fəaliyyət Bakının beynəlxalq aləmdə mövqelərinin yüksəldilməsi baxımından böyük əhəmiyyət kəsb edir”.
- Sahibə Qafarova Roma Papasının dəfn mərasimində - Foto
- İrandan Pezeşkianın Bakı səfəri barədə yeni açıqlama
- Sülh müqaviləsi mayın 9-da imzalanacaq? – Nikoldan reaksiya
- Xankəndi Gənclər Paktı imzalanacaq
- Rusiya Kursk vilayətini tam nəzarətə götürdü
- Zelenski və Tramp 15 dəqiqə danışıb, razılığa gəldilər
- 150 milyon çinli turistin cəmi 1%-i Azərbaycana gəlsə... - Prezident
- Universitet təsdiqlədi: Gülsüm Əliyeva adlı tələbəmiz olmayıb - Video