Ölkəmizdə rəsmi səfərdə olan Belarus Respublikasının Baş naziri Aleksandr Turçin Azərbaycan Respublikası Fövqəladə Hallar Nazirliyi Dövlət Yanğından Mühafizə Xidmətinin Səbail Rayon Yanğından Mühafizə Hissəsində olub.
BUTA.TV xəbər verir ki, bu barədə FHN-in Mətbuat Xidməti məlumat yayıb.
Bildirilib ki, əvvəlcə, Azərbaycan fövqəladə hallar naziri general-polkovnik Kəmaləddin Heydərov Hissədə şəxsi heyət üçün yaradılmış iş şəraiti və “Fövqəladə hallar uşaqların gözü ilə” yaradıcılıq müsabiqəsinə həsr olunmuş sərgi barədə qonağa məlumat verib.
Sonra Baş nazir A.Turçinə yeni alınmış xüsusi texnikalar təqdim olunub.
Ölkə başçısı cənab İlham Əliyevin diqqət və qayğısı sayəsində Fövqəladə Hallar Nazirliyinin maddi-texniki bazasının daim yeniləndiyini diqqətə çatdıran nazir K.Heydərov Azərbaycan və Belarus arasında sıx əməkdaşlıq münasibətləri zəminində ötən ilin noyabr ayında COP29 iqlim konfransı çərçivəsində yanğın təhlükəsizliyinin təmin edilməsinə cəlb olunmuş Azərbaycan FHN-in ehtiyacları üçün Gəncə Avtomobil Zavodunda birgə yığılaraq Nazirliyə təhvil verilmiş yanğınsöndürmə texnikaları və onların texniki xüsusiyyətləri barədə ətraflı məlumat verib.
- Hindistanla Pakistan arasında gərginlik: Bakıdan reaksiya...
- Pezeşkianın səfərinin iki hədəfi: Bakı qəbul etməyəcək...
- Rusiya Ukrayna ordusunda vuruşmuş azərbaycanlıya hökm oxudu
- Rusiyadan deportasiya olunma səbəbim bu deyil - Badamov
- Azərbaycan-Suriya münasibətləri
- Rusiyanın Badamovla bağlı qərarının gerçək səbəbləri - Detallar
- Vardanyanın məhkəməsində zərərçəkmiş danışdı
- Belarusun baş naziri Füzulidə… - Foto