Məktəblilər arasında kriminal hadisələrin artmasına səbəb sosial şəbəkələrdən həddindən artıq istifadədir.
Bu sözləri BUTA.TV-a açıqlamasında psixoloq Gülnar Orucova deyib.
Psixoloq bildirib ki, bir çox halda sosial şəbəkələrdə yanlış düşüncə tərzi gənclərin təfəkkürünə mənfi təsir göstərir:
“Hansısa bir şiddət hadisəsi olanda bəziləri bu hadisəyə “yaxşı oldu”, “haqq idi” və s. kimi şərhlər yazırlar. Məsələn, yeniyetmə anasını öldürür və həmin xəbərə şərh yazırlar ki, yaxşı edir, xəyanətin cəzası ölüm olmalıdır və s. Nəticə olaraq, bu şərhləri oxuyan gənc, hələ ictimai təfəkkürü formalaşmamış yeniyetmə düşünür ki, insanları bu cür “cəzalandırmaq” olar, hətta cəmiyyət dəstək də verir. Nəticə etibarilə sosial şəbəkədəki yanlış fikir, yorum bəzilərinin düşüncəsini və həyatını alt-üst edir. Halbuki heç kəsin kimisə döyməyə, şiddət göstərməyə və öldürməyə haqqı yoxdur.
Yeniyetmələr arasında tez-tez kütləvi dava olur. Hətta uşaqlardan biri digərini təhqir edir, bəzən bir uşağa qarşı basqı təşkil edilir. Bu da ailədən gələn şiddətin təsiridir. Çünki uşaq ailədə gördüyü şiddəti cəmiyyətə gətirir. Ona görə də şiddət olan ailələrdə boşanma vacibdir ki, gələcəkdə cəmiyyət üçün təhlükəli fərdlər yetişməsin”.
Psixoloqin fikrincə, məktəblərdə telefon istifadəsi qadağan olunmalı, valideynlər özladlarına nəzarəti gücləndirməlidir:
“Hazırda valideynlər çalışır ki, işləyib, övladına telefon alsın. Ancaq uşağın maddi ehtiyacını ödəmək onun qayğısına qalmaq demək deyil. Övlad valideyn sevgisini duymalı, söz eşitməlidir.
Yeniyetmələr fərqli saç və geyim stili ilə diqqət çəkməyə çalışır. Uşaqlar bu yolla “məni görün, məni sevin” demək istəyir. Valideynlər övladına yetəri qədər sevgi versə, bu halların sayı azalar”.
- İrəvan və Bakı arasında sülh müqaviləsi... – Arakçı
- Bu, İlham Əliyevin yüksələn nüfuzunun göstəricisidir
- Yeniyetmə bu “stili” ilə “məni sevin” deyirsə… - Psixoloq
- Bakıda Türkiyə rəsmiləri ilə görüşən İsrail generalı kimdir?
- Ərdoğan Azərbaycanla bağlı 3 sazişi təsdiqlədi
- Bu fotoya baxın: Bu qədər lider toplanıb, ona zəng edir ki…
- Paşinyanın kofe təklifinə Əliyevdən maraqlı cavab - Video
- Bakı və İrəvanın sülh sazişi imzalamaq səyləri… - Makron