Trampın Putinlə son telefon danışığı göstərdi ki, artıq ABŞ bu münaqişədən yorulub və konkret nəticə görmədiyi təqdirdə prosesdən çəkilə bilər.

Bu sözləri BUTA.TV-a açıqlamasında politoloq Sultan Zahidov deyib.

Onun sözlərinə görə, bəzi media qurumları bu danışıqları müsbət qiymətləndirsə də, Trampın ritorikasında aydın şəkildə ABŞ-ın bu prosesə daha çox enerji sərf etmək istəmədiyi hiss olundu:

“Tramp açıq şəkildə bildirdi ki, bundan sonra danışıqlar yalnız Rusiya və Ukrayna arasında aparılmalıdır. Bu isə o deməkdir ki, ABŞ bir növ tərəflərə son xəbərdarlıq edib – ya razılığa gəlin, ya da bu prosesi tək davam etdirin. Əsas sual ondan ibarətdir ki, ABŞ-ın bu prosesdən çəkilməsi yalnız siyasi səviyyədə olacaq, yoxsa hərbi və maliyyə dəstəyinə də təsir edəcək? Əgər ABŞ Ukraynaya dəstəyi azaldarsa, bu, Kiyev üçün vəziyyəti daha da çətinləşdirə bilər”.

Politoloq qeyd edib ki, hazırda təşəbbüs əsasən Avropa ölkələrinin üzərinə düşür:

“Ukrayna üçün yaradılan “İstəklilər koalisiyası”, Avropada hərbiləşmə ilə bağlı gedən danışıqlar və 800 milyard avroluq müdafiə fondu bu istiqamətdə atılan mühüm addımlardandır. Eyni zamanda, Rusiyaya qarşı yeni sanksiyalar da tətbiq olunub. Bütün bunlar onu göstərir ki, Avropa Ukraynadan sonra özünü potensial hədəf kimi görür və bu səbəbdən də Ukraynaya daha fəal dəstək verməyə çalışır”.

• Növbəti 10-15 ildə Xəzərin səviyyəsi azalacaq
• Qarabağın Ermənistana birləşdirilməsi… - İşxanyan
• Ermənistandan Araz çayı ilə bağlı şok qərar - Bakı nə tələb edirdi?
• Hər ay 2 milyon talanır: AMB dərhal reaksiya verməli idi
• İsrailin Azərbaycandakı səfirliyində bayraq endirildi
• İsrail səfirindən öldürülən diplomatlarla bağlı maraqlı fakt...
• Azərbaycan XİN İsrailə başsağlığı verdi
• Şəmkirdə 2 milyonluq yeyinti - Direktor həbs edildi