İranın ali rəhbərinin beynəlxalq məsələlər üzrə müşaviri Əli Əkbər Vilayəti bəyan edib ki, Tehran Zəngəzur dəhlizinin açılmasına qarşı çıxacaq və buna ya Rusiya ilə birlikdə, ya da təkbaşına mane olacaq.

BUTA.TV xəbər verir ki, bu barədə "Azad İran" Teleqram kanalı xəbər verib.

"Cənubi Qafqaz Trampın icarəyə götürə biləcəyi ərazidir? Qafqaz dünyanın ən həssas geosiyasi bölgələrindən biri sayılır və bu dəhliz Trampa məxsus tranzit marşrutu yox, onun muzdluları üçün qəbiristanlığa çevriləcək", - deyə Vilayəti bildirib.

O bildirib ki, layihə bölgənin geosiyasi balansını dəyişəcək, sərhədlərin yenidən çəkilməsinə səbəb olacaq və Ermənistanın parçalanması planının bir hissəsi kimi nəzərdə tutulub. Trampın "başqa ölkədə dəhliz icarəyə götürmək" ideyasını "sadəlövhlük" adlandıran Vilayəti bunu Panama kanalının icarəyə götürülməsinə bənzədib.

Vilayəti iddia edib ki, layihə artıq Ermənistan cəmiyyətində narazılıq doğurub. Onun sözlərinə görə, heç bir xalq öz ərazisinin parçalanmasına razı olmaz, Nikol Paşinyan da Tehrana səfəri zamanı bu mövqeyi bölüşüb və dəhlizin təhlükəli, konspirativ xarakter daşıdığını etiraf edib.

Bu təşəbbüsün Cənubi Qafqazın təhlükəsizliyinə "təhdid" olduğunu iddia edən Vilayəti bildirib ki, İran bölgənin təhlükəsizlik maraqlarına əsaslanaraq buna mane olacaq. Onun fikrincə, Rusiya da strateji baxımdan bu dəhlizin əleyhinədir.

• "İdrak" liseyinin binası Ruslan Eyyubovun imiş
• Bu məşhurların övladları “İdrak”da təhsil alır
• Şənbə günü hava necə olacaq?
• Azərbaycanda Nyukasl xəstəliyinə yoluxma var?
• "İdrak" liseyində güllələnən müəllimin - Fotosu
• İnsidentin baş verdiyi liseydə təhsil haqqı nə qədərdir?
• Səfər Mehdiyevin köməkçisi olmuş polkovnik həbs edildi
• Mehdiyevin məşhur kadrı vəzifədən çıxarıldı