Rəşt–Astara dəmir yolu xəttinin tamamı 4 aya açılacaq.

BUTA.TV xəbər verir ki, bunu APA-ya müsahibəsində Gilan vilayətinin valisi Hadi Həqşənas bildirib.

Onun sözlərinə görə, son yeddi ay ərzində Rəşt–Astara dəmir yolu xəttinin 70 kilometrlik hissəsi istifadəyə verilib, xəttin ümumi uzunluğu 162 kilometrdir və artıq 90 kilometri açılıb.

“Yalnız 70 kilometr qalır. Düşünürəm ki, yaxın dörd ay ərzində Rəşt–Astara xəttinin tam açılışı başa çatacaq. İran hökuməti bu işdə qətiyyətlidir”, – vali qeyd edib.

Həqşənas əlavə edib ki, xətt mərhələli şəkildə istifadəyə verildiyi üçün paralel olaraq rels qurğusunun quraşdırılması üçün hazırlıq işləri də aparılır.

Valinin sözlərinə görə, Rusiya ilə müqavilə bağlamış podratçı şirkət xəttin tam istifadəyə verilməsindən sonra növbəti mərhələyə keçəcək. Qeyd olunub ki, Rəşt–Astara layihəsinin ümumi tikinti müddəti üç il olaraq planlaşdırılır.

Hadi Həqşənas həmçinin bildirib ki, ötən ay Bakıda Azərbaycan, Rusiya və İranın iştirakı ilə üçtərəfli komissiyanın iclası keçirilib:

“İclasda Azərbaycan və Rusiya baş nazirlərinin müavinləri, İranın yol naziri və mən iştirak etdik. Toplantıdan sonra Bakıdan Lənkərana, daha sonra Astara şəhərinə səfər etdik və layihənin icra vəziyyəti ilə tanış olduq. İranın yol naziri işlərin sürətləndirilməsi üçün müvafiq göstərişlər verdi”.

• Rəşt–Astara dəmir yolu nə vaxt hazır olacaq? - İrandan açıqlama
• Bakı ilə Roma arasında hərbi əməkdaşlıq müzakirə olundu
• Prezidentin səhhəti pisləşəndə Mehdiyev Moskvaya zəng etdi
• Azərbaycanda Vatsap istifadəçilərinə xəbərdarlıq
• Bakının üç rayonunda qaz təchizatı dayandırılır
• Azərbaycan və Niderland arasında mühüm müzakirə
• FHN yanında İctimai şuranın üzvləri bir araya gəldi
• Ermənistanla sərhəddə mina partlayışı: XİN-dən reaksiya