ABŞ-ın Cənubi Qafqaz regionundakı mövqeləri inkişaf etməkdə davam edir və Azərbaycan əsas nəqliyyat və enerji marşrutlarının kəsişməsindəki strateji yerləşməsi sayəsində Vaşinqton üçün mühüm tərəfdaşa çevrilir.

BUTA.TV xəbər verir ki, bunu Azərtac-a amerikalı politoloq Samson Katsman deyib.

Onun sözlərinə görə, Azərbaycanın rolu təkcə tranzit qovşağı və enerji resursları təchizatçısı kimi deyil, həm də regional və beynəlxalq təhlükəsizliyin əsas aktoru kimi əhəmiyyətlidir. O, terror təhdidlərinin neytrallaşdırılması, sərhəd təhlükəsizliyinin təmin edilməsi və hibrid təhdidlərin qarşısının alınması sahələrində ABŞ ilə Azərbaycan arasında əməkdaşlığın genişləndirilməsi potensialını vurğulayıb.

Onun fikrincə, iki ölkənin bu sahələrdə qarşılıqlı fəaliyyəti hələ yeni başlayır, lakin artıq mühüm addımlar görünür və münasibətlərin bundan sonrakı inkişaf perspektivləri yüksəkdir.

Politoloq, həmçinin Azərbaycan və Ermənistan arasında münasibətlərin normallaşdırılması prosesində ABŞ-ın vasitəçi kimi rolunun güclənməsi imkanını şərh edib. O vurğulayıb ki, Azərbaycanın unikal tranzit rolu və müxtəlif beynəlxalq tərəfdaşlarla balanslaşdırılmış münasibətləri bunun üçün əsas yaradır.

Eyni zamanda, S.Katsman ABŞ-ın Azərbaycana investisiya yatırılmasını məhdudlaşdıran qanunvericilik maneələrinə diqqət çəkərək bildirib ki, onların yenidən nəzərdən keçirilməsi Amerikanın daha fəal iştirakına təkan verə bilər.

• Samirə Əfəndi: Qazaxıstanda məni öldürüb atsaydılar... - Video
• Vardanyanın məhkəməsi: onların ifadələri dinlənildi
• 30 təşkilat azərbaycanlı məhbuslara görə bəyanat yaydı
• Azərbaycan-Gürcüstan birgə şirkəti bu tenderdən kənarlaşdırıldı
• MM-də kritik sual: ABŞ Azərbaycan qazının satılmasının qarşısını alıb?
• Qazaxıstan AZAL təyyarəsi ilə bağlı daha bir açıqlama yaydı
• Hansı “yerli istehsal” üçün vergini artırırlar?
• Şok qərar: Bakıdakı maşın bazarı Ağdama köçürüləcək