“Xüsusi icra məmurunun standart haqqının və əlavə icra haqqının hesablanması meyarları və hədlərinin, habelə standart haqq üzrə avansın məbləği” müəyyənləşib.
BUTA.TV xəbər verir ki, bununla bağlı Baş nazir Əli Əsədov qərar imzalayıb.
Qərara əsasən, standart haqq sabit hissədən və icra hərəkətləri ilə bağlı faktiki xərclərdən ibarət olacaq. Pul tələblərində sabit hissə tələb məbləğinə uyğun mərhələli şəkildə hesablanır, əmlak və pul tələbi olmayan işlərdə isə konkret məbləğlər müəyyən edilib.
Qərar, həmçinin standart haqq üzrə avans qaydalarını müəyyən edir. Pul tələblərində sabit hissənin 20 faizi (5 min manatdan çox olmamaqla), vaxtaşırı ödənişlərdə 15 faizi, digər icra sənədlərində isə sabit hissənin 50 faizi avans kimi tələbkar tərəfindən əvvəlcədən ödəniləcək.
Sənəddə əlavə icra haqqının hesablanması meyarları da təsdiq olunub. Əlavə icra haqqı yalnız tələbkarla xüsusi icra məmuru arasında yazılı razılıq əsasında və icranın tam və ya qismən təmin olunduğu hallarda tətbiq ediləcək. Pul tələblərində bu məbləğ ödətdirilmiş vəsaitin 15 faizinədək, digər işlərdə isə tələbin növünə görə 400–4000 manat aralığında müəyyən olunur.
- Naxçıvan dəmir yolu xəttinin bərpasına dəstəyə hazırıq - Kos
- Azərbaycan sayəsində daha bir məhsul ucuzlaşdı - Paşinyan
- İlham Əliyev Davosda panel iclasda iştirak etdi
- Azərbaycan və ABŞ arasında Strateji İşçi Qrupunun iclası oldu
- Qəzaya uğrayan AZAL təyyarəsi ilə bağlı Astanadan açıqlama
- 2025-in ən güclü orduları: Azərbaycanın yeri... - Siyahı
- Dəniz Əsədovadan məhkəmədə gözlənilməz açıqlama
- İcra başçısı əmr imzaladı: Kütləvi kadr dəyişiklikləri aparıldı