İş adamı Samvel Karapetyanın tərəfdarları Ermənistan hökumətini Azərbaycan və Türkiyə ilə münasibətlərin normallaşdırılmasına görə sərt tənqid edirlər. Sonuncular sülh prosesinə də etirazlarını bildirirlər.

BUTA.TV Teleqraf-a istinadən xəbər verir ki, bu barədə “Haykakan Jamanak” yazıb. Nəşr bildirib ki, Ermənistanda hakimiyyəti ələ keçirməyə çağırış etdiyinə görə bir neçə aydır həbsdə olan rusiyalı milyarder Samvel Karapetyanın qohumları və onun ideyalarını yayan fəallar bu dəfə Azərbaycandan Ermənistana benzin tədarükü ətrafında spekulyasiyaya əl atırlar:

“Bu “tənqidlər” fonunda media və sosial platformalarda Samvel Karapetyanın 2016-cı ildə Moskvada “Safisa” ziyafət zalında oğlu Sərkis Karapetyanın dəbdəbəli toyunu təşkil etməsinin səbəbi ilə bağlı suallar yaranır. Məlumata görə, o dövrdə “Safisa” məşhur azərbaycanlı iş adamı Telman İsmayılova məxsus olub. Həmin məlumata əsasən, toyun ümumi büdcəsi təxminən 2 milyon dollar olub. Sərkis və gürcü gəlininin toyunda Alla Puqaçova, Qriqori Leps, Filip Kirkorov, Valeri Meladze, Nikolay Baskov, Dima Bilan, Timati, eləcə də Serj Sərkisyan da daxil olmaqla, 500 qonaq iştirak edib.

Yəni Samvel Karapetyan və onun fikirlərini bölüşənlərin düşüncəsinə görə, azərbaycanlıya məxsus restoranda 2 milyon dollara toy təşkil etmək olar, amma dövlətlərarası münasibətləri normallaşdırmaq üçün Azərbaycandan benzin ala bilməzsən”.

• Bu şadlıq evi müəllimini vuran şagirdin ailəsinindir - Atası biznesmen, babası isə...
• Sabah hava bu insanlar üçün əlverişli olacaq
• Qadını öldürən qonşusu olub – Qətlin detalları...
• Bunu edən şəxslər 8 ilədək həbs olunacaq
• Mübariz İbrahimovun adını daşıyan Mübariz İbrahimov - Foto
• Kamran Əliyev onu Gəncə hərbi prokuroruna müavin göndərdi
• Güclü külək əsəcək - Sarı xəbərdarlıq
• Müştəri ilə dalaşan "Sizin Lombard"ın filial müdiri saxlanıldı