Sovet və Rusiya mediasının keçmiş simalarından biri, tanınmış jurnalist və aparıcı Yevgeni Kiselyov barəsində qiyabi olaraq həbs cəzası verilib. Məhkəmənin hökmü ilə jurnalist beynəlxalq axtarışa verilib.
BUTA.TV Bakupost.az-a istinadən xəbər verir ki, Moskva şəhər məhkəməsinin qərarına görə, Kiselyov həbs olunmağı gözləyən şəxs kimi qəbul olunur. Jurnalist iki ay müddətinə Rusiya ərazisində və ya xaricdə həbs olunaraq ölkəyə ekstradisiya edilməlidir.
Rusiya hakimiyyəti Cinayət Məcəlləsinin 205.4-cü maddəsi ilə Kiselyova qarşı “terrorcu təşkilat yaratmaq” ittihamı irəli sürüb.
O, daha əvvəl 2022-ci ildə Rusiya Ədliyyə Nazirliyinin xarici agentlər reyestrinə, 2024-cü ildə isə Rosfinmonitorinqin ekstremistlər və terrorçular siyahısına daxil edilib.
Yevgeni Kiselyov – keçmiş SSRİ və Rusiya televiziya jurnalisti və aparıcıdır. O, 1990-cı illərdə və 2000-ci illərin əvvəllərində Rusiya mediasında tanınan televiziya jurnalisti idi və NTV kanalında çalışırdı.
2009-cu ildə Ukraynaya köçən Kiselyov bu ölkədə fəaliyyət göstərən televiziya kanallarında işini davam etdirib. Hazırda onun dəqiq harada yaşadığı rəsmi açıqlanmayıb.
Kiselyov uzun müddət anti-müharibə mövqeyilə tanınıb və 2022-ci ildən bəri “Anti-War Committee of Russia” kimi tanınan hərəkatın üzvüdür. Kremlin təhlükə hesab etdiyi hərəkat Rusiya hakimiyyətinə qarşı çıxan qeyri-siyasi fəallar və diaspor siyasi aktivistləri tərəfindən yaradılıb.
Rusiya hakimiyyəti indi bu fəaliyyətləri “terrorçuluq və ekstremizm” kimi qiymətləndirir və buna görə də Kiselyov barəsində hüquqi təqib və beynəlxalq axtarış qərarı verilib.
- Məşhur jurnalist barədə həbs qərarı - Axtarışa verildi
- İstanbuldakı 520 minlik yürüşdə Azərbaycana qarşı pankart...
- Ahıl şəxslər üçün Yeni il süfrəsi: Əliyevalar da iştirak etdi
- Erməni mediası Əliyevin çıxışından məhz bu cümləni yaydı
- Dünya üçün fəlakət proqnozu – Azərbaycana da yaxınlaşır
- “Qarabağ bizim idi, indi bizim deyil” ifadəsi tələdir - Paşinyan
- Ermənilərin Qarabağa qayıdışı... - Vardanyan
- Rusiyadan təyyarəmizlə bağlı yeni açıqlama: Hər şeyi edəcəyik